ءوزىن سايلاپ جاتقاندا ۇيىقتاپ كەتكەن: جاپونيا پرەمەر-ءمينيسترى الەم نازارىن اۋداردى
استانا. قازاقپارات - جاپونيانىڭ پرەمەر-ءمينيسترى سيگەرۋ يسيبا ءوزىن قايتا سايلاۋ ءۇشىن داۋىس بەرۋ كەزىندە ۇيىقتاپ قالدى.
وسىعان قاراماستان، پارلامەنت وعان سەنىم ءبىلدىرىپ، ونى ۇكىمەت باسشىسى قىزمەتىنە قايتا سايلادى. بۇعان دەيىن سيگەرۋ يسيبا باسقاراتىن جاپونيا ۇكىمەتى پرەمەر-ءمينيستردى سايلاۋ قارساڭىندا تولىق قۇرامىمەن وتستاۆكاعا كەتكەن بولاتىن.
سيگەرۋ يسيبا - جاپونيانىڭ تانىمال ساياساتكەرى جانە قازىرگى پرەمەر-ءمينيسترى، اسكەري جانە قاۋىپسىزدىك ماسەلەلەرىنە ەرەكشە قىزىعۋشىلىق تانىتاتىن تۇلعا رەتىندە تانىمال. ول بىرنەشە جىل بويى ەلدىڭ قورعانىس سالاسىن دامىتۋدا جانە ۇلتتىق قاۋىپسىزدىكتى كۇشەيتۋدە بەلسەندى ءرول اتقارىپ كەلەدى. يسيبا جاپونيادا جانە حالىقارالىق ارەنادا «اسكەري ىسكە قۇشتار» ساياساتكەر رەتىندە بەلگىلى، سەبەبى ول ەلدىڭ قورعانىس الەۋەتىن ارتتىرۋعا جانە ايماقتىق قاۋىپسىزدىك شارالارىن نىعايتۋعا باسىمدىق بەرەدى.
Japanese social media was quick to point out that PM Shigeru Ishiba appeared to doze off during Monday’s vote in parliament for a new prime minister.
— Hanako Montgomery (@HanakoMontgome1) November 11, 2024
The reason? Cold medicine, said Chief Cabinet Secretary Hayashi, who’s seen in the video beside Ishiba, checking if he’s alright. pic.twitter.com/CY6PX864Vl
