ءوز ەلىڭنىڭ ءانۇرانىن ايتۋدان ارتىق باقىت جوق - داۆيد لوريا جاڭا سپورتتىق ەتيكا تۋرالى
استانا. KAZINFORM - قازاقستاندا سپورتتىق ەتيكاعا قاتىستى جاڭا ەرەجەلەر بەلسەندى تۇردە تالقىلانىپ جاتىر. اتاپ ايتساق، سپورتشىلارعا ءدىني كوزقاراسىن كوپشىلىك الدىندا بىلدىرمەۋ، جالپى مىنەز- قۇلىق ەرەجەلەرىن قاتاڭ ساقتاۋ، مەملەكەتتىك ءانۇراندى جاتقا ءبىلۋ جانە الكوگول ىشۋدەن باس تارتۋ سىندى، دەپ حابارلايدى Kazinform ءتىلشىسى.
قازاقستان فۋتبول فەدەراتسياسىنىڭ باس حاتشىسى داۆيد لوريا سوڭعى جىلدارى سپورتشىلاردىڭ دىنگە بەت بۇرعانىن، ءبىراق سەنىم ءبىلدىرۋ اركىمنىڭ ءوز تاڭداۋى ەكەنىن ايتتى.
- سوڭعى ون جىلدا جىگىتتەردىڭ دىنگە بەت بۇرۋى ارتىپ كەتتى. سەنىم ولاردىڭ ءومىرىنىڭ ماڭىزدى بولىگى عوي، ءبىراق ءدىني كوزقاراسىن ءبىلدىرۋ ءالى دە جەكە اڭگىمە، مەن اركىم جاڭا تالاپتارعا تۇسىنىستىكپەن قارايدى دەپ ويلايمىن، - دەدى لوريا.
ول كاسىپقوي فۋتبولشىلاردىڭ باسقا دا ەتيكالىق نورمالاردى ەستە ساقتاۋى كەرەكتىگىن اتاپ ءوتتى.
- ىشىمدىك ىشپەۋ، كۇماندى ءىس-شارالارعا قاتىسپاۋ - وتە قيسىندى.
داۆيد لوريا سونىمەن قاتار ءانۇراندى ءبىلۋدىڭ ماڭىزدىلىعىن اتاپ ءوتتى:
- ماتچ الدىندا ءوز ەلىڭنىڭ ءانۇرانىن شىرقاساڭىز، ستاديون سىزبەن بىرگە شىرقاسا، بۇل جارىسقا قاتىسۋدان ارتىق قۇرمەت جوق. ۇلتتىق قۇراما ويىنشىسى ءانۇراندى جاتقا بىلۋگە مىندەتتى، - دەدى قازاقستان فۋتبول فەدەراتسياسىنىڭ باس حاتشىسى.
وسىعان دەيىن تۋريزم جانە سپورت ءمينيسترىنىڭ بۇيرىعىمەن قازاقستان رەسپۋبليكاسىنىڭ سپورتتىق ادەبى بەكىتىلگەنى تۋرالى جازدىق.
