ءۇستىرت قورىعىنىڭ تۇنگى قوناعى: سيرەك كەزدەسەتىن الابارىس فوتوتۇزاققا ءتۇسىپ قالدى
اقتاۋ. KAZINFORM - ءۇستىرت مەملەكەتتىك تابيعي قورىعىندا سيرەك كەزدەسەتىن الابارىس فوتوتۇزاققا ءتۇسىپ قالدى.
بۇل تۋرالى ەكولوگيا جانە تابيعا رەسۋرستار مينيسترلىگى ورمان شارۋاشىلىعى جانە جانۋارلار دۇنيەسى كوميتەتى حابارلادى.
ءۇستىرت مەملەكەتتىك تابيعي قورىعىنىڭ قوناعى - الابارىس حالىقارالىق تابيعاتتى قورعاۋ وداعىنىڭ (ح ت ق و) كريتەريلەرى بويىنشا جويىلىپ كەتۋ قاۋپى بار دەپ تانىلعان.
بۇل ءتۇر قازاقستان رەسپۋبليكاسىنىڭ سيرەك جانە جويىلىپ كەتۋ قاۋپى بار تۇرلەر تىزىمىنە 2021-جىلدىڭ ساۋىرىندە ەنگىزىلىپ، ەلىمىزدەگى قىزىل كىتاپقا كىرگەن.
ءبىر قىزىعى، سيرەك كەزدەسەتىن الابارىس تەرىسىنىڭ ءتۇسى ايماققا بايلانىستى وزگەرىپ وتىرۋى مۇمكىن. باسقا قابىلان تۇرلەرىنەن ايىرماشىلىعى، الابارىستار اشىقتاۋ كۇڭگىرت تۇسكە يە، بۇل ولارعا ءومىر سۇرەتىن قۇرعاق ءارى تاستى لاندشافتتارمەن جاقسىراق ۇيلەسۋگە كومەكتەسەدى. بۇل بەيىمدەلگەن كامۋفلياج ولاردىڭ تابيعات جاعدايلارىندا جىرتقىشتار مەن ولجالاردان ءتيىمدى جاسىرىنۋىنا مۇمكىندىك بەرەدى.
ەسكە سالا كەتەيىك، بۇعان دەيىن ەرتىس ورمانىندا تولىمەن سۋاتقا كەلگەن بۇلان فوتوتۇزاققا ءتۇسىپ قالعانىن جازعان ەدىك.
