الماتىدا COVID-19 انىقتايتىن جەتىنشى زەرتحانا اشىلدى
الماتى اكىمى باقىتجان ساعىنتايەۆ «اتاكەنت» ورتالىعىنداعى كوروناۆيرۋس ينفەكسياسىن جوعارعى دالدىكپەن انىقتايتىن پ ت ر دياگنوستيكاسى بار مودۋلدىك زەرتحانا كەشەنىنىڭ تۇساۋكەسەرىنە قاتىستى.
«COVID-19 انىقتاۋ مۇمكىندىگىن كەڭەيتىپ جاتىرمىز. جوعارى تەحنولوگيالىق زەرتحانانى ب. وتەمۇراتوۆ اتىنداعى قور قالا اكىمدىگىنە تابىستادى. مۇندا مۇمكىندىگى شەكتەۋلى ادامدارعا، جۇمىسسىزدارعا، كوپبالالى، از قامتىلعان وتباسىلارعا، جوسپارلى گوسپيتاليزاتسياعا باعىتتالعان، جاسى 50 اسقان ادامدارعا، تىنىس الۋ جولدارى مەن جۇرەك اۋرۋى بار ازاماتتارعا، ەپيدەمياعا قارسى جۇمىسقا جۇمىلدىرىلعان ازاماتتارعا سكرينينگ جاسالادى. وسىنىڭ ارقاسىندا الماتىدا كوروناۆيرۋس ينفەكسياسىنىڭ تارالۋىن شەكتەۋگە بولادى»، - دەپ جازدى اكىم Instagram-داعى پاراقشاسىندا.
بۇل - الماتىداعى جەتىنشى زەرتحانا كەشەنى. الماتىدا كوروناۆيرۋس ينفەكسياسىن انىقتايتىن 6 زەرتحانا جۇمىس ىستەپ تۇر. ءبىراق ولاردىڭ بارلىعىندا تەستىلەۋ اقىلى.
