ءۇندىستاننىڭ سولتۇستىگىندە قاسقىرلار بالالارعا شابۋىلداپ ءجۇر

استانا. KAZINFORM - ءۇندىستاننىڭ سولتۇستىگىندەگى ۋتتار-پرادەش شتاتىندا تۇندە قانت قۇراعى قامىسىنان شىعىپ جۇرگەن ادام جەيتىن قاسقىرلار توبى بالالارعا شابۋىل جاسايدا، دەپ حابارلايدى ازەرتادج.

ورمان شارۋاشىلىعى وكىلدەرىنىڭ مالىمدەۋىنشە، كەم دەگەندە 10 بالا قازا تاپتى.

مامانداردىڭ پىكىرىنشە، ادامدار مەن جابايى جانۋارلار اراسىنداعى قاقتىعىس كليماتتىق داعدارىس پەن جابايى تابيعاتتىڭ جويىلۋىنا بايلانىستى ءورشىپ كەتتى. تولاسسىز جاۋعان جاۋىن سالدارىنان جەرگىلىكتى گحاگگار وزەنى ارناسىنان استى. جىرتقىشتار ادەتتەگى مەكەندەۋ ورىندارىن تاستاپ كەتۋگە ءماجبۇر بولدى. ولار كادىمگى ولجاسىنان ايىرىلىپ، ونى ادام قونىستارىنان ىزدەۋگە شىققان.

جاعدايدى جەرگىلىكتى تۇرعىنداردىڭ وزدەرىن شابۋىلدان قورعاي الماۋلارى قيىنداتىپ وتىر - ولار جىرتقىشتار وڭاي كىرەتىن توبەسى سابان جابىلعان ەسىكسىز ۇيلەردە تۇنەپ ءجۇر.

ءۇندىستاننىڭ ءوسىپ كەلە جاتقان حالقى جابايى تابيعاتقا كوبىرەك قول سۇعۋدا جانە ادام مەن جانۋار اراسىنداعى قاقتىعىس ىقتيمالدىعى ارتىپ كەلەدى، دەپ حابارلايدى The Independent.

اۆتور
زارينا تۋعانبايەۆا