ءۇندىستاندا قازاقستاننان بارعان ناۋقاسقا جىنىستىق زورلىق جاسادى دەگەن كۇدىكپەن مەدبيكە قاماۋعا الىندى

استانا. kazinform - دۇيسەنبى كۇنى 25 جاستاعى مەدبيكە قازاقستاندىق 50 جاستاعى ناۋقاسقا سەكسۋالدىق زورلىق جاسادى دەگەن كۇدىكپەن قاماۋعا الىندى. پوليتسيانىڭ حابارلاۋىنشا، جەكسەنبى كۇنى Artemis اۋرۋحاناسىندا ايەل تىزە بۋىنىنىڭ ارتروسكوپياسىنان وتكەن، دەپ جازادى The Times of India.

پوليتسيانىڭ مالىمەتىنشە، ناۋقاس جۇما كۇنى قىزىمەن بىرگە ءۇندىستانعا كەلگەن. جەكسەنبى كۇنى وعان وتا جاسالىپ، كەيىن قالپىنا كەلتىرۋ بولمەسىنە اۋىستىرىلدى. جورگەگىن اۋىستىرىپ جاتقاندا مەدبيكە ايەلگە ورىنسىز قول تيگىزدى دەگەن بولجام بار.

باسىندا ايەل جامان وي ويلاماعان. ءبىراق ايىپتالۋشى سول كۇنى وعان بىرنەشە رەت سەكسۋالدىق سيپاتتاعى زورلىق-زومبىلىق كورسەتكەن. اقىرى ايەل بۇل تۋرالى قىزىنا ايتقان. بۇل تۋرالى قىزى اۋرۋحانا باسشىلىعىنا ايتىپ، پوليتسيا شاقىرعان.

كۇدىكتى دۇيسەنبى كۇنى قاماۋعا الىندى.

«ايىپتاۋلاردى ەسكەرە وتىرىپ، ءبىز وقيعاعا قاتىسى بار بارلىق تاراپتارعا ادىلەتتى قاراۋعا جانە شىندىقتى انىقتاۋ ءۇشىن جانە ادىلەتتىلىكتى قامتاماسىز ەتۋ ءۇشىن مۇقيات جانە بەيتاراپ تەرگەۋ جۇرگىزىلۋىنە بارلىق كۇش-جىگەرىمىزدى سالامىز»، - دەلىنگەن اۋرۋحانا مالىمدەمەسىندە.