ءجۇز ميلليونعا جۋىق ادام جۇمىسسىز قالۋى مۇمكىن. قانداي ماماندىقتارعا قاۋىپ ءتونىپ تۇر؟

استانا. KAZINFORM – دۇنيەجۇزىلىك ەكونوميكالىق فورۋم ەۋروپادا 2027-جىلعا قاراي 83 ميلليون جۇمىس ورنى جويىلادى دەپ بولجاپ وتىر.

مۇنداي وزگەرىستەرگە جاساندى ينتەللەكتىنىڭ (ج ي) قارقىندى دامۋى سەبەپ بولىپ وتىر، - دەپ حابارلايدى euronews سايتى.

94 ميلليون ادامعا جۇمىسسىزدىق قاۋپى ءتونىپ تۇر

McKinsey كومپانياسىنىڭ «ەۋروپاداعى جۇمىسپەن قامتۋ» زەرتتەۋ ينستيتۋتىنىڭ دەرەگىنشە، 2030-جىلعا قاراي 94 ميلليون ەۋروپالىق جۇمىسسىز قالۋى بەك مۇمكىن.

قانداي سالالار جويىلۋى مۇمكىن؟

مۇنىمەن قوسا اتالمىش ينستيتۋت ج ي دامۋى سەبەبىنەن قانداي سالالاردىڭ عۇمىرى قىل ۇستىندە تۇرعانىن اتادى:

قوناق

ءۇي جانە قوعامدىق تاماقتانۋ قىزمەتى (%94)

ونەر (%80)

كوتەرمە جانە بولشەك ساۋدا (%68)

قۇرىلىس (%58)

كولىك جانە لوگيستيكا (%50)

ماماندىعى اۋىساتىن ماماندار

زەرتتەۋشىلەر 2030-جىلعا قاراي 21 ميلليون ادامعا ماماندىعىن وزگەرتۋ قاجەت بولۋى مۇمكىن. سەبەبى بۇل ادامداردىڭ كوپشىلىگىندە جوعارى ءبىلىم جوق دەيدى.

دەسە دە، دۇنيەجۇزىلىك ەكونوميكالىق فورۋمنىڭ مالىمەتىنشە، جاقىن جىلدارى باسقا باعىتتاردا جۇمىس ورىندارىنىڭ ەلەۋلى ءوسىمى كۇتىلۋدە: شامامەن 69 ميلليون جاڭا ۆاكانسيا پايدا بولادى.

ەسكە سالايىق، بۇعان دەيىن بۇرىنعى ءبىلىم جانە عىلىم ءمينيسترى، قازىرگى پارلامەنت ءماجىلىسىنىڭ دەپۋتاتى اسحات ايماعامبەتوۆتىڭ جاساندى ينتەللەكتىنىڭ مۇعالىمدەردى الماستىرۋىنا قاتىستى ساۋالعا جاۋاپ بەرگەنىن جازعان ەدىك.