ءبىزدىڭ بوكسىمىزعا ۇلكەن رەفورما قاجەت - قازاقستان بوكس فەدەراتسياسىنىڭ پرەزيدەنتى
استانا. قازاقپارات - قازاقستان بوكس فەدەراتسياسىنىڭ پرەزيدەنتى پاريج وليمپياداسىنان التىن جۇلدە بۇيىرماعانىنا جاۋاپ بەردى.
قازاقستان بوكس فەدەراتسياسىنىڭ پرەزيدەنتى شاحمۇرات ءمۇتالىپ بوكسشىلاردىڭ پاريجدە ءوتىپ جاتقان وليمپيادا ويىندارىندا كورسەتكەن ناتيجەسىن قورىتىندىلادى.
«وزىمىزدەن جاۋاپكەرشىلىكتى الىپ، اقتالاتىن جايىمىز جوق. بارىمىزدەن كىنا بار، فەدەراتسيا، جاتتىقتىرۋشىلار تاراپىنان دا. ءبارىمىز قاتەمىزدى، كەم-كەتىكتەردى كورىپ، ءبىر شەشىمگە كەلدىك. ءبىزدىڭ بوكسىمىزعا ۇلكەن رەفورما قاجەت»، - دەيدى فەدەراتسيا باسشىسى Qazaqstan تەلەارناسىنا بەرگەن سۇحباتىندا.
ەسكە سالا كەتەيىك، وليمپيادادا قازاقستاندىق بوكسشىلار 10 سالماقتا (7 سالماق ەرلەر، 3 سالماق ايەلدەر) باق سىنادى. ەرلەر اراسىندا نۇربەك ورالباي كۇمىس جۇلدەنى مىسە تۇتسا، قىزداردان نازىم قىزايباي قولا جۇلدەگەر اتاندى.
