ءبىرىنشى ۆيتسە-پرەمەر رومان سكليار: پەتروپاۆل سۋمەن قامتاماسىز ەتىلدى

استانا. KAZINFORM - پرەمەر-ءمينيستردىڭ ءبىرىنشى ورىنباسارى رومان سكليار «قىزىلجار سۋ» ج ش س- نىڭ ەكىنشى دەڭگەيدەگى سورعى ستانتسياسىن قالپىنا كەلتىرۋ جۇمىستارىن تەكسەردى، دەپ حابارلايدى ق ر ۇكىمەتىنىڭ باسپا ءسوز قىزمەتى.

ءبىرىنشى دەڭگەيدەگى ستانسا ىستەن شىققاننان كەيىن ءبىرىنشى ۆيتسە-پرەمەر جاڭا سورعىنى ورناتۋدى اياقتاپ، پەتروپاۆل قالاسىن 14-ساۋىرگە قاراعان ءتۇنى سۋمەن قامتاماسىز ەتۋدى تاپسىردى.

«تۇنگى 00:00 دەن كەيىن قالانىڭ بارلىق اۋدانىنا سۋ كەلە باستادى. رەزەرۆتىك كوزدە جەتكىلىكتى كولەمدە سۋ جينالىپ، ىسكە قوسىلدى. سۋمەن قامتاماسىز ەتۋ ۇزدىكسىز بولادى. سۋدىڭ ساپاسى مەن كواگۋليانتتاردىڭ قولجەتىمدىلىگى قامتاماسىز ەتىلگەن»، — دەدى رومان سكليار.

ول جۇمىستاردىڭ تاۋلىك بويى جۇرگىزىلەتىنىن اتاپ ءوتتى.

سونداي-اق ءبىرىنشى ۆيتسە-پرەمەر پەتروپاۆل قالاسىنىڭ پودگورا ىقشام اۋدانىنداعى قۇتقارۋ جۇمىستارىنىڭ بارىسىن تەكسەردى. سۋ باسقان جەرلەردەن درون كومەگىمەن 48 ادام ەۆاكۋاتسيالانعان. قۇتقارۋشىلار ىزدەستىرۋ جۇمىستارىنا تەپلوۆيزورى بار ۇشقىشسىز ۇشۋ اپپاراتىن پايدالاندى. ناتيجەسىندە 59 ادام تابىلعان، الايدا ولاردىڭ 11 ءى ۇيىنەن كەتۋدەن باس تارتقان. ءبىرىنشى ۆيتسە-پرەمەر ولاردى دەرەۋ ەۆاكۋاتسيالاۋدى تاپسىردى.

«قالعان ادامداردى شۇعىل ەۆاكۋاتسيالاۋ قاجەت. قاۋىپتى ايماقتا قالۋعا بولمايدى. قارسىلىق تانىتقانداردى اكىمشىلىك جاۋاپكەرشىلىككە تارتىپ، قاۋىپسىز جەرگە جەتكىزۋ كەرەك»، - دەدى ول.