ءبىر ميلليون بريتاندىق بالا كەدەيلىككە تاپ بولدى

ۇلى بريتانيادا كەدەيلىك دەڭگەيىنىڭ ءوسۋى بايقالادى. وتكەن جىلى ۇلىبريتانيانىڭ 3,8 ميلليون تۇرعىنى، ونىڭ ىشىندە ءبىر ميلليون بالا جوقشىلىققا تاپ بولعان، دەپ حابارلايدى Kazinform.

Joseph Rowntree Foundation ۇكىمەتتىك ەمەس ۇيىمىنىڭ زەرتتەۋى ۇلى بريتانيادا سوڭعى ءۇش جىلداعى كەدەيلىك دەڭگەيى %61 وسكەنىن كورسەتەدى. ال مۇقتاج بالالاردىڭ سانى 2017 -جىلدان بەرى ءۇش ەسە وسكەن.

كەدەيلىك نەگىزگى فيزيكالىق قاجەتتىلىكتەردى قاناعاتتاندىرا الماۋ رەتىندە انىقتالادى. بۇل ازىق- تۇلىكتىڭ جەتىسپەۋشىلىگى، تۇرعىن ءۇيدىڭ بولماۋى، كيىم- كەشەك جانە ادامنىڭ قالىپتى ءومىر ءسۇرۋى ءۇشىن قاجەت باسقا دا زاتتار جوقتىعى.

سونىمەن قاتار كوممۋنالدىق تولەمدەردى ۋاقتىلى تولەمەۋ جانە تۇتىنۋشىلىق نەسيە تولەمدەرىن كەشىكتىرۋ ساۋالناماعا قاتىسقانداردىڭ كوپشىلىگىنە ءتان بولدى. ال ازىق- تۇلىك بانكتەرىن پايدالاناتىن ادامداردىڭ ۇلەسى 2019 –جىلعى %22 2022 –جىلى %35 دەيىن وسكەن.

جوقشىلىق كەدەيلىكتە ءومىر سۇرەتىن ادامداردىڭ جاعدايىن ناشارلاتىپ، قيىنداي تۇسەدى. ونىڭ ىشىندە قارىزداردىڭ ءوسۋى، ازىق- تۇلىك بانكتەرىنە تاۋەلدىلىك، تۇرعىن ءۇيدىڭ جوقتىعى جانە ازىق- تۇلىك تاپشىلىعى جاعدايدى ودان ءارى قيىنداتا تۇسەدى.

زەرتتەۋ اۆتورلارى ۇلى بريتانيانىڭ الەۋمەتتىك قامسىزداندىرۋ جۇيەسى كەدەيلىكتىڭ الدىن الا المايدى، ويتكەنى الەۋمەتتىك تولەمدەردىڭ بازالىق ستاۆكاسى وتە تومەن، سوندىقتان ول ەلدەگى كەدەيلىك شەگىن ەڭسەرە المايدى.

سوندىقتان، بۇگىندە الەۋمەتتىك قولداۋعا قۇقىعى جوق يمميگرانتتارمەن شەكتەلگەن كەدەيلىككە نەگىزىنەن الەۋمەتتىك جاردەماقى الاتىن ۇلىبريتانيا ازاماتتارى مەن وتباسىلار تاپ بولۋدا.