عارىشتان كىشكەنتاي جۇلدىزدى اينالىپ جۇرگەن الىپ پلانەتا تابىلدى: بۇل عالىمداردىڭ بارلىق تەوريالارىن جوققا شىعاردى
استرونومدار العاش رەت وتە جەڭىل ماسساداعى جۇلدىزدىڭ اينالاسىندا اينالىپ جۇرگەن الىپ پلانەتا TOI-6894b نى انىقتادى. بۇل جاڭالىق پلانەتالاردىڭ قالىپتاسۋى تۋرالى قازىرگى تەوريالارعا كۇمان تۋدىرىپ، ەكزوپلانەتالاردى ىزدەۋدىڭ جاڭا دەڭگەيىن اشادى.
TOI-6894 - ماسساسى كۇننىڭ نەبارى %20 ىن قۇرايتىن قىزىل ەرگەجەيلى جۇلدىز. بۇعان دەيىن مۇنداي كىشى جۇلدىزدار الىپ پلانەتالاردى قالىپتاستىرا دا، ۇستاپ تۇرا دا المايدى دەپ ەسەپتەلگەن. الايدا زەرتتەۋشىلەر توبى بۇل پىكىردىڭ قاتە ەكەنىن دالەلدەدى. وسى كىشكەنتاي جۇلدىزدىڭ اينالاسىندا ساتۋرنمەن شامالاس كولەمدەگى پلانەتا بار. ونىڭ وربيتالىق اينالۋ مەرزىمى نەبارى ءۇش كۇننەن ءسال اسادى.
پلانەتادان كەلگەن سيگنال العاش رەت NASA- نىڭ TESS تەلەسكوبىمەن بايقالدى. كەيىن بۇل دەرەك SPECULOOS جانە TRAPPIST جوبالارى سياقتى جەردەگى وبسەرۆاتوريالار ارقىلى راستالدى. عالىمدار بارلىق بالاما تۇسىندىرۋلەردى جوققا شىعاردى. ولار راسىندا دا الىپ پلانەتانى انىقتادى. ونىڭ ماسساسى ساتۋرن ماسساسىنىڭ شامامەن جارتىسىنا تەڭ.
كۇننىڭ جانىنان جەردەن ون ەسە ۇلكەن قۇسقا ۇقساس نىسان بايقالدى
قىتاي جەردەگى تاۋلىك ۇزاقتىعىن ۇلعايتتى
TOI-6894 - الىپ پلانەتا تابىلعان جۇلدىزداردىڭ ىشىندەگى ەڭ كىشكەنتايى. بۇل جاڭالىق قازىرگى پلانەتالاردىڭ قالاي پايدا بولاتىنىن تۇسىندىرەتىن تەوريالارعا كۇمان كەلتىرەدى. ويتكەنى بۇرىنعى زەرتتەۋلەر بويىنشا، مۇنداي كىشى جۇلدىزداردىڭ اينالاسىندا ءىرى پلانەتالار تۇزۋگە جەتكىلىكتى زاتتار بولمايدى دەلىنگەن.
«ءبىزدىڭ مودەلدەر مۇنداي نىسانداردىڭ قالاي پايدا بولعانىن تۇسىندىرە الماي وتىر. مۇمكىن، ءبىز پلانەتالاردىڭ ءتۇزىلۋ مەحانيزمدەرىنىڭ ارتۇرلىلىگىن ءالى تولىق باعالاماي كەلەمىز»، - دەپ مالىمدەدى عالىمدار.
Stan.kz
