عاني بەيسەمبايەۆ كوللەدجدەردەگى ءبىلىم ساپاسى نەگە تومەن ەكەنىن ايتتى
استانا. KAZINFORM - وقۋ-اعارتۋ ءمينيسترى عاني بەيسەمبايەۆ ۇكىمەت وتىرىسىندا كوللەدجدەردەگى ءبىلىم ساپاسى نەگە تومەن ەكەنىن ايتتى.
- قازىرگى تاڭدا 270 مەملەكەتتىك كوللەدجدىڭ ماتەريالدىق-تەحنيكالىق بازاسىن جاڭارتۋعا قاجەتتىلىك بار. بۇل ءبىلىم ۇيىمدارى وقۋ پروتسەسىندە مورالدىق تۇرعىدان ەسكىرگەن جابدىقتى پايدالانادى. تيىسىنشە جەكەلەگەن جاعدايلاردا جۇمىسشى ماماندار دايارلاۋدىڭ ساپاسىنىڭ تومەندەۋى جانە تۇلەكتەر الىپ شىعاتىن داعدىلاردىڭ زاماناۋي وندىرىستىك تالاپتارعا سايكەس كەلمەي جاتىر، - دەدى مينيستر.
عاني بەيسەمبايەۆ 2025-2027 -جىلدارى كوللەدجدەردى زاماناۋي ماتەريالدىق- تەحنيكالىق جابدىقتارمەن قامتاماسىز ەتۋ جوسپارى بار ەكەنىن اتاپ ءوتتى.
- سونىمەن قاتار، كوللەدج ستۋدەنتتەرىن جاتاقحانا ورىندارىمەن تولىق قامتاماسىز ەتۋ ماڭىزدى. قازىرگى تاڭدا، كوللەدج ستۋدەنتتەرى ءۇشىن جاتاقحانا تاپشىلىعى 6 مىڭ ورىننان جوعارى.
ەڭ ۇلكەن تاپشىلىق الماتى جانە استانا قالالارىندا جانە الماتى، اقمولا، سولتۇستىك قازاقستان وبلىستارىندا تىركەلگەن.
جوسپارعا سايكەس جەرگىلىكتى اتقارۋشى ورگاندار جاتاقحاناعا مۇقتاج ستۋدەنتتەردى جاتاقحانا ورىندارمەن تولىقتاي قامتاماسىز ەتۋى ءتيىس، - دەدى وقۋ-اعارتۋ ءمينيسترى.
ەسكە سالساق، پرەزيدەنت جارلىعىمەن 2025-جىل جۇمىسشى ماماندىقتارىنىڭ جىلى دەپ جاريالانعانى ەدى.
