عالىمداردىڭ بيولوگيالىق نەگىزدەمەسى: قازاقستاندا كيىكتەردىڭ 20 پايىزى رەتتەۋگە جاتادى
استانا. KAZINFORM - كيىك سانىن رەتتەۋگە، اۋلاۋعا قاتىستى عالىمداردىڭ بيولوگيالىق نەگىزدەمەسى دايىن بولدى. بۇل تۋرالى ەكولوگيا ءمينيسترى ەرلان نىسانبايەۆ ءمالىم ەتتى.
- زوولوگيا ينستيتۋتىنىڭ رەسمي بيولوگيالىق، عىلىمي نەگىزدەمەسىن الدىق. كيىك سانىنىڭ 20 پايىزى رەتتەۋگە جاتادى، - دەدى ەرلان نىسانبايەۆ سەناتتا Kazinform ءتىلشىسىنىڭ سۇراعىنا جاۋاپ بەرە وتىرىپ.
بۇدان بۇرىن حابارلانعانداي، مينيستر ماۋسىم ايىنىڭ باسىندا عالىمدار كيىك سانىن رەتتەۋ تۋرلى بيولوگيالىق نەگىزدەمەنى قاشان ازىرلەيتىنىن ايتقان ەدى.
ەگەر كيىكتى اۋلاۋعا رۇقسات بەرىلسە، بۇل ءىس-شارالار كۇزدە باستالادى.
سونىمەن قاتار، جاڭگىر حان اتىنداعى باتىس قازاقستان اگرارلىق-تەحنيكالىق ۋنيۆەرسيتەتىنىڭ عىلىم جونىندەگى پرورەكتورى، بيولوگيا عىلىمدارىنىڭ دوكتورى ءالجان ءشامشىدىن كيىككە قاتىستى جاسالعان زەرتتەۋلەر جونىندە تۇسىنىك بەردى.
ونىڭ پايىمىنشا، ەلىمىزدەگى 4-5 ميلليون كيىكتىڭ جىل سايىن 20 پايىزىن ەتكە پايدالانۋعا بەرۋگە بولادى.
