عالىمدار تىشقاندارعا ارنالعان VR كوزىلدىرىگى ارقىلى ميدى زەرتتەپ ءجۇر
استانا. KAZINFORM — نيۋ-يوركتەگى كورنەلل ۋنيۆەرسيتەتىنىڭ عالىمدارى تىشقانداردىڭ قوزعالىسقا رەاكسيالارىن زەرتتەۋ ءۇشىن كوزىلدىرىك جاساپ شىعاردى، دەپ حابارلايدى Kazinform BILD- كە سىلتەمە جاساپ.
تىشقاندار كەز كەلگەن باعىتتا قوزعالۋعا مۇمكىندىك بەرەتىن ارنايى اينالمالى شارعا ورنالاستىرىلىپ، قوزعالۋ كەزىندە ولارعا ءارتۇرلى سۋرەتتەر مەن بەينەلەر كورسەتىلەدى. بۇل رەتتە عالىمدار جانۋارلاردىڭ نەيروندىق بەلسەندىلىگىن جازىپ، ولاردىڭ رەاكسياسىن باقىلايدى.
— تىشقاندار گەنەتيكالىق دەرەكتەر، لابيرينتتەردى شارلاۋ قابىلەتى جانە ىرىمشىك ءۇشىن جۇمىس ىستەۋگە دايىندىعىنىڭ ارقاسىندا ۇزاق ۋاقىت بويى مىنەز-قۇلىق جانە نيەۆرولوگيالىق زەرتتەۋلەردىڭ تانىمال مودەلى بولدى، — دەلىنگەن زەرتتەۋ توبىنىڭ مالىمدەمەسىندە.
عالىمداردىڭ سوزىنشە، تىشقاندار جانە VR كوزىلدىرىكتەرىمەن ەكسپەريمەنتتەر جالعاسادى: ولار التسگەيمەر اۋرۋىنا ەم ىزدەۋدە ميدىڭ پايدالى جۇمىسى تۋرالى جاڭا دەرەكتەردى بەرە الادى.
ايتا كەتەيىك، الەمدە 55 ميلليوننان استام ادام دەمەنتسيادان زارداپ شەگىپ ءجۇر. بۇل كوبىنە ەمى ءالى تابىلماعان التسگەيمەر اۋرۋىمەن بايلانىستى.
بۇعان دەيىن حابارلاعانىمىزداي، عالىمدار -10 گرادۋستا اسفالت توسەۋگە مۇمكىندىك بەرەتىن قوسپا ويلاپ تاپتى.
