09:39, 04 - اقپان 2025 | GMT +5
عالىمدار تۇسكى ۇيقى ميدى شيراتىپ، كۇردەلى تاپسىرمالاردى شەشۋگە كومەكتەسەتىنىن دالەلدەدى
استانا. قازاقپارات - عالىمدار تۇسكى ۇيقى ميدى شيراتىپ، كۇردەلى تاپسىرمالاردى شەشۋگە كومەكتەسەتىنىن دالەلدەدى.

جاقىندا Journal of Sleep Research جۋرنالىندا جاريالانعان زەرتتەۋ ۇيقى، اسىرەسە كوز شىرىمىن الۋ، انالوگيالىق اۋدارۋ ارقىلى ماسەلەلەردى شەشۋ قابىلەتىن ارتتىراتىنىن دالەلدەيدى. ءتىپتى 13 مينۋتتىق ۇيقىنىڭ ءوزى مي قىزمەتىنە وڭ اسەر ەتەدى ەكەن.
عىلىمي ەكسپەريمەنت كورسەتكەندەي، كۇندىز قىسقا ۋاقىت ۇيىقتاعان قاتىسۋشىلار تاپسىرمالاردى جىلدامىراق جانە تيىمدىرەك ورىنداعان. ال تەك ءۇزىلىس جاساعان توپ مۇنداي ناتيجە كورسەتپەگەن.
مۇنىڭ سەبەبى - ۇيقى كەزىندە ميداعى بايلانىستار قايتا قۇرىلىپ، جاسىرىن شەشىمدەر تابىلاتىنىندا. سوندىقتان شارشاعان كەزدە جاي دەمالعاننان گورى، ازداپ ۇيىقتاپ العان الدەقايدا پايدالى.