بيىل ەلىمىزدەگى شەتەلدىكتەرگە 1 ميلليارد تەڭگە ايىپپۇل سالىندى
استانا. KAZINFORM - جىل باسىنان بەرى 63 مىڭنان استام شەتەلدىك اكىمشىلىك جاۋپكەرشىلىككە تارتىلدى. بۇل تۋرالى بۇگىن ىشكى ىستەر مينيسترلىگى كوشى-قون قىزمەتى كوميتەتىنىڭ ءتوراعاسى اسلان اتالىقوۆ ايتتى.
«ەلىمىزدەگى شەتەلدىكتەردىڭ كوپشىلىگى زاڭعا باعىناتىن ازاماتتار. ءبىراق زاڭ تالاپتارىن بۇزاتىندار دا بار. بيىل 63 مىڭنان استام شەتەلدىك اكىمشىلىك جاۋپكەرشىلىككە تارتىلدى. 1 ميلليارد تەڭگە سوماسىندا ايىپپۇل سالىندى»، - دەدى ا. اتالىقوۆ ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.
ونىڭ ايتۋىنشا، 11 مىڭ شەتەلدىكتىڭ ۋاقىتشا تۇرۋ مەرزىمى قىسقارتىلدى.
«7700 شەتەلدىك ەلىمىزدىڭ اۋماعىنان تىس شىعارىلدى. بۇدان بولەك، شەتەلدىك جۇمىس كۇشىن زاڭسىز تارقانى ءۇشىن 2500 جۇمىس بەرۋشىگە ايىپپۇل سالىندى. ۋاكىلەتتى ورگاننىڭ ءتيىستى رۇقساتىنسىز شەتەلدىكتەردى جۇمىسقا بىرنەشە رەت زاڭسىز تارقانى ءۇشىن 7 جۇمىس بەرۋشى قىلمىستىق جاۋاپكەرشىلىككە تارتىلىپ جاتىر. زاڭسىز كوشى قوندى ۇيىمداستىرعانى ءۇشىن پوليتسيا 46 قىلمىستىق ءىس قوزعادى»، - دەدى كوميتەت باسشىسى.
