10:34, 30 - ماۋسىم 2024 | GMT +6
بيىل استانانىڭ قوعامدىق كولىك پاركىنە 300 دەن اسا جاڭا اۆتوبۋس جەتكىزىلەدى
استانا. KAZINFORM — استانا قالاسىنىڭ اكىمى جەڭىس قاسىمبەك Instagram پاراقشاسىندا قالاعا جەتكىزىلەتىن اۆتوبۋستار تۋرالى ءمالىم ەتتى.
«قالاعا تاعى 100 اۆتوبۋس جەتكىزىلدى. ولار تەحنيكالىق دايىندىقتان كەيىن بىرنەشە كۇننەن سوڭ جەلىگە شىعادى. بۇل اۆتوبۋستار جەلىدەگى اۆتوبۋستاردىڭ سانىن ارتتىرادى، وسىلايشا كۇتۋ ارالىعىن قىسقارتادى. جاڭا مارشرۋتتار ىسكە قوسىلىپ، ەسكى اۆتوبۋستاردى كەزەڭ-كەزەڭىمەن الماستىرادى جانە ت. ب. وسىعان دەيىن بيىل قالاعا 100 گە جۋىق اۆتوبۋس جەتكىزىلدى. بيىل بارلىعى 320 اۆتوبۋس جەتكىزۋدى جوسپارلاپ وتىرمىز، ونىڭ ىشىندە جەكە اۆتوپاركتەر قاراجاتى ەسەبىنەن دە قاراستىرىلادى. بىلتىر، ماسەلەن قوعامدىق كولىك پاركى 400 اۆتوبۋسقا ۇلعايدى»، - دەپ جازدى جەڭىس قاسىمبەك.
