بيىل 1 ميلليونعا جۋىق شەتەل ازاماتى قازاقستانعا كەلۋگە ءوتىنىش بەرگەن
استانا. KAZINFORM - قازاقستانعا 87 ەلدىڭ ازاماتتارى ۆيزاسىز كەلە الادى. بۇل تۋرالى ىشكى ىستەر ءمينيسترىنىڭ ءبىرىنشى ورىنباسارى باۋىرجان الەنوۆ ءمالىم ەتتى.
- ىشكى ىستەر مينيسترلىگى كوشى-قون باقىلاۋىن قامتاماسىز ەتۋ شارالارىن قابىلدانىپ جاتىر. جالپى، قازىر شەتەل ازاماتتارىنا قولايلى جاعداي جاسالعان. ولاردىڭ ەلگە كىرۋ مەن ەلدە بولۋ راسىمدەرى جەڭىلدەتىلدى. ەلىمىزگە 87 مەملەكەتتىڭ ازاماتتارى ۆيزاسىز كىرە الادى، - دەدى باۋىرجان الەنوۆ ۇكىمەت وتىرىسىندا.
ءمينيستردىڭ ءبىرىن ورىنباسارىنىڭ مالىمدەۋىنشە، ەلەكتروندىق ۆيزا 107 ەلدىڭ ازاماتتارىنا ۆيزا بەرىلەدى.
- 2020 -جىلدان بەرى قازاقستانعا كەلەتىن شەتەلدىكتەر ۋاقىتشا تىركەۋدەن بوساتىلدى، بۇرىن 5 كۇن ىشىندە ەسەپكە تۇراتىن. قازىر شەتەل ازاماتتارىنىڭ كەلگەنى تۋرالى قابىلداۋشى تاراپ حابارلاۋعا مىندەتتى («ە-قوناق» قوسىمشا ارقىلى). بيىل 900 مىڭنان استام ءوتىنىش ءتۇستى. تىركەۋ ءتارتىبىن ساقتاماعانى ءۇشىن 14800 ادام جاۋاپكەرشىلىككە تارتىلدى. وسى ورايدا پوليتسيا شەتەل ازاماتتارىنا ءتۇسىندىرۋ جۇمىستارىن جۇرگىزىپ جاتىر، - دەيدى ۆەدومستۆو وكىلى.
