بيتكوين باعاسى تاعى دا رەكوردتىق دەڭگەيگە جەتتى
استانا. KAZINFORM - سەيسەنبىدە بيتكوين باعاسى ساۋدا دەرەكتەرىنە سايكەس 93500 دوللاردان جوعارى جاڭا رەكوردتىق دەڭگەيگە جەتتى. بۇل تۋرالى «ريا نوۆوستي» حابارلادى.
كولەمى بويىنشا ەڭ ءىرى كريپتوۆاليۋتا بيرجاسى Binance-تە بيتكوين باعاسى ءبىر تاۋلىكتە %2,82 عا ءوسىپ، $93 699-عا جەتكەن، بۇل جاڭا رەكورد بولدى.
20 دان استام بيرجانىڭ ورتاشا باعاسىن ەسەپتەيتىن CoinMarketCap پورتالىنىڭ مالىمەتى بويىنشا، بيتكوين باعاسى %2,84 عا ءوستى - ورتاشا ەسەپپەن $93739.
بۇعان دەيىن Financial Times باسىلىمى دونالد ترامپتىڭ Trump Media - Technology Group كورپوراتسياسى Bakkt كريپتوۆاليۋتا پلاتفورماسىن ساتىپ الۋ بويىنشا كەلىسسوزدەر جۇرگىزىپ جاتقانىن حابارلادى. ساراپشىلاردىڭ پىكىرىنشە، جاڭالىق بيتكوين قۇنىنىڭ ءوسۋىن قولدايدى.
- كريپتوۆاليۋتا قايتا اركەتكە كوشتى. Trump Media-نىڭ Bakkt-تى ساتىپ الۋى تاعى ءبىر جاعىمدى جاڭالىق بولدى، - دەيدى Pepperstone زەرتتەۋ ءبولىمىنىڭ ديرەكتورى كريس ۋەستون.
اۆتور
جاراسقان نۇرىبايەۆ
