بۋىرقانىپ اققان ەسەنتاي الماتىلىقتاردى الاڭداتىپ قويدى
الماتى. KAZINFORM - اقساي، قارعالى، ۇلكەن جانە كىشى الماتى وزەندەرى سۋ دەڭگەيىنىڭ كوتەرىلگەنى بايقالادى.
الماتى قالالىق توتەنشە جاعدايلار دەپارتامەنتىنىڭ مالەمەتىنشە، قازىر قالادا «قازسەلدەنقورعاۋ» مەملەكەتتىك مەكەمەسىنىڭ 10 گيدروپوستى جۇمىس ىستەيدى.
ولار تاۋلىك بويى وزەندەردەگى گيدرومەتەورولوگيالىق جاعدايدى باقىلاپ وتىر.
«قالا ارقىلى اقساي، قارعالى، ۇلكەن جانە كىشى الماتى وزەندەرى اعادى. جاۋىن- شاشىنعا بايلانىستى وزەندەردە سۋ شىعىنىنىڭ شامالى عانا كوتەرىلگەنى بايقالادى، سونداي-اق كولبەۋ اعىنعا بايلانىستى سۋدىڭ لايلانۋى 2 باللعا دەيىن ارتتى» دەپ حابارلادى دەپارتامەنتتەن.
بۇدان باسقا، «قازسەلدەنقورعاۋ» ماماندارى سەلدەن قورعاۋ قۇرىلىستارىنىڭ تەحنيكالىق جاي- كۇيىنە تەكسەرۋ جۇرگىزەدى.
«26-ناۋرىزدان باستاپ الماتى ت ج د جەكە قۇرامى جۇمىستىڭ كۇشەيتىلگەن نۇسقاسىنا اۋىستىرىلدى، جەدەل شتاب جۇمىس ىستەيدى، قوسىمشا تاۋلىك بويى «قازسەلدەن قورعاۋ» قالالىق فيليالى مەحانيكالاندىرىلعان بريگادا قۇردى. سونداي-اق ساموسۆالدار، تيەگىشتەر، كران مەن ەكسكاۆاتور تارتا وتىرىپ، ولار كوممۋنالدىق قىزمەتتەرمەن بىرلەسىپ وزەن ارناسى مەن تۇندىرۋ باسسەيندەرىن تەرەڭدەتۋ جۇمىسىن جۇرگىزدى» دەدى الماتى قالاسى ت ج د باستىعى نۇرلان اتىعايەۆ.
تاڭعى ساعات 4:00-دەن باستالعان جاۋىن ءالى جاۋىپ تۇر.
ول اراسى ءۇزىلىپ-ءۇزىلىپ 17-ءساۋىردىڭ تاڭىنا دەيىن جاۋادى دەگەن بولجام بار.
اۆتور
الما مۇقانوۆا
