بىرنەشە مەملەكەتتىك پورتالدىڭ جۇمىسىنان تەحنيكالىق اقاۋ شىقتى
استانا. KAZINFORM - قازىر بىرنەشە مەملەكەتتىك پورتال قولجەتىمسىز. بۇل تۋرالى «ۇلتتىق اقپاراتتىق تەحنولوگيالار» ا ق حابارلايدى.

- مەملەكەتتىك ورگانداردىڭ سەرۆەرلىك ورتالىعى ينفراقۇرىلىمى جەلىسىندەگى تەحنيكالىق اقاۋعا بايلانىستى قازىر ءبىرقاتار سەرۆيس ۋاقىتشا قولجەتىمسىز. وسىعان بايلانىستى، eGov.kz پورتالىنىڭ كومپونەنتتەرى مەن eGov Mobile قوسىمشاسىنىڭ، E-license جانە اشىق ۇكىمەت پورتالىنىڭ، مەملەكەتتىك ورگانداردىڭ ءبىرىڭعاي ينتەرنەت پورتالىنىڭ جانە ۇلتتىق اقپاراتتىق تەحنولوگيالار قىزمەتى جۇيەلەرىنىڭ جۇمىسى ءىشىنارا قولجەتىمسىز، - دەلىنگەن حابارلامادا.
قازىر ماماندار تەحنيكالىق اقاۋدى جويىپ جاتىر.
- سونىمەن قاتار حالىققا قىزمەت كورسەتۋ ورتالىقتارىندا جانە ەكىنشى دەڭگەيلى بانك قوسىمشالارىندا مەملەكەتتىك قىزمەتتەردى الۋعا ۋاقىتشا قولجەتىمسىز بولۋى مۇمكىن ەكەنىن حابارلايمىز، - دەيدى مەكەمەدەن.