بىرەۋدىڭ ورنىنا كەزەككە تۇرۋ: ا ق ش ازاماتى ەرەكشە بيزنەس ارقىلى قىرۋار اقشا تاپقان

نيۋ-يوركتە روبەرت سەميۋەل ەسىمدى كاسىپكەر ەرەكشە قىزمەت ءتۇرىن دامىتىپ، بۇگىندە ايىنا 160000 ا ق ش دوللارىنا دەيىن تابىس تاۋىپ وتىر. ونىڭ بيزنەسىنىڭ ءمانى - باسقالاردىڭ ورنىنا كەزەككە تۇرۋ، دەپ حابارلايدى fortune.com.

ءبارى 2012 -جىلى باستالعان. سول كەزدە روبەرت جاڭا iPhone ءۇشىن كەزەكتە تۇرعان ورنىن 300 دوللارعا ساتىپ جىبەرگەن. بۇل كۇتپەگەن تابىس وعان يدەيا بەرىپ، كاسىبىن جولعا قويۋعا تۇرتكى بولىپتى.

2025 -جىلى ونىڭ كومانداسىندا 45 ادام جۇمىس ىستەيدى. ولار كليەنتتەرىنىڭ ورنىنا ساعاتىنا 38 دوللاردان كەزەككە تۇرادى. قىزمەت سۇرانىسقا يە: ادامدار ولاردى ەليتالىق مەيرامحانالاردا، Supreme كروسسوۆكالارىنىڭ پرەمەراسىندا، ۋوررەن باففەت اكسيالار جينالىسىندا، ءتىپتى رەپەر P. Diddy-گە قاتىستى سوت تىڭداۋلارىندا دا پايدالانادى.

وسىلايشا، جاي عانا كەزەككە تۇرۋدان باستالعان باستاما بۇگىندە تابىستى بيزنەس-يمپەرياعا اينالعان.