بۇگىننەن باستاپ شيان-الماتى باعىتىندا جولاۋشىلار پويىزى قاتىنايدى
استانا. KAZINFORM - بۇگىننەن باستاپ قىتايدىڭ قاق ورتاسىنداعى شيان قالاسىنان الماتىعا تۋريستىك پويىز قاتىنايتىن بولادى. بۇل تۋرالى ق ر كولىك مينيسترلىگى تەمىرجول جانە سۋ كولىگى كوميتەتىنىڭ ءتوراعاسى جانىبەك تايجانوۆ ايتتى.
- بۇگىننەن باستاپ 7- ماۋسىمعا دەيىن شيان- الماتى باعىتىنداعى جولاۋشىلار پويىزى ىسكە قوسىلادى. بۇل پويىز قازاقستان رەسپۋبليكاسىنداعى قىتاي تۋريزم جىلى اياسىندا ۇيىمداستىرىلىپ وتىر، - دەدى ول وكق الاڭىندا تۋريستىك جانە حالىقارالىق باعىتتاعى جولاۋشىلار پويىزى تۋرالى بايانداماسىندا.
سونداي-اق كوميتەت باسشىسى بيىل دا الماتىدان بۇحاراعا دەيىن تۋريستىك پويىز قاتىنايتىنىن ايتتى.
- 2024 -جىلعى قاراشادان باستاپ الماتى-تۇركىستان- تاشكەنت-سامارقان- بۇحارا باعىتى بويىنشا «Jibek joly» جانە «Keruen Express» تۋريستىك پويىزدارى ىسكە قوسىلدى. اتالعان پويىزدار 2024 -جىلدىڭ قاراشا ايىنان باستاپ 5 رەت قاتىنادى. تۋريستىك اگەنتتىكتەردىڭ وتىنىشتەرى بويىنشا بۇل پويىزداردىڭ قاتىناۋى ءارى قاراي جالعاستىرىلادى، - دەپ اتاپ ءوتتى.
ودان بولەك جانىبەك تايجانوۆ ىشكى باعىتتا 1-ناۋرىزدان بەرى بالقاش-الماتى باعىتى بويىنشا تۇراقتى پويىز قاتىناپ تۇرعانىن ەسكە سالدى.
بۇعان دەيىن بيىل جازدا بالقاشتىڭ كۋرورتتىق ايماعىنا استانا، سەمەي، الماتى قالالارى جانە قاراعاندى وبلىسىنان (مويىنتى، ساياق) 10 تەمىرجول مارشرۋتى ۇيىمداستىرىلاتىنىن جازعان ەدىك.
