بۇگىن رەسپۋبليكا بويىنشا جەل كۇشەيىپ، كەيبىر ايماقتاردا تۇمان تۇسەدى
«قازگيدرومەت» ر م ك ەل اۋماعىندا 29-تامىزدا بولاتىن قاۋىپتى مەتەورولوگيالىق قۇبىلىستارعا بولجام جاسادى.
اتموسفەرالىق فرونتالدى بولىمدەر ق ر اۋماعىنىڭ باسىم بولىگىندە اۋا رايىنىڭ تۇراقسىز سيپاتىن ساقتايدى: نايزاعايمەن، بۇرشاقپەن، داۋىلمەن جاڭبىر جاۋادى. وڭتۇستىك- شىعىستىڭ تاۋلى ايماقتارىندا قاتتى جاڭبىر جاۋادى. تەك باتىستا، وڭتۇستىك- باتىستا، سولتۇستىك- باتىستا، رەسپۋبليكانىڭ ورتالىعىندا انتيسيكلون سىلەمىنىڭ اسەرىنەن جاۋىن-شاشىنسىز اۋا رايى كۇتىلەدى.
رەسپۋبليكا بويىنشا جەل كۇشەيىپ، سولتۇستىكتە، سولتۇستىك- باتىستا، ەلدىڭ ورتالىعىندا تۇنگى جانە تاڭەرتەڭگى ساعاتتاردا تۇمان تۇسەدى.
«اباي، ۇلىتاۋ وبلىستاردا، باتىس قازاقستان وبلىسىنىڭ باتىسىندا، ورتالىعىندا، اتىراۋ وبلىسىنىڭ ورتالىعىندا، وڭتۇستىك- شىعىسىندا، ماڭعىستاۋ وبلىسىنىڭ سولتۇستىك- شىعىسىندا، ورتالىعىندا، قىزىلوردا وبلىسىنىڭ سولتۇستىك- باتىسىندا، ورتالىعىندا، اقتوبە وبلىسىنىڭ وڭتۇستىگىندە، الماتى وبلىسىنىڭ باتىسىندا، سولتۇستىگىندە، شىعىس قازاقستاننىڭ باتىسىندا، قاراعاندى وبلىسىنىڭ باتىسىندا، شىعىسىندا، جەتىسۋ وبلىسىنىڭ سولتۇستىك جارتىسىندا جوعارى ءورت قاۋپى كۇتىلەدى»، - دەپ جازادى سينوپتيكتەر.
قىزىلوردا، جامبىل، اتىراۋ، ماڭعىستاۋ وبلىستارىندا، تۇركىستان وبلىسىنىڭ وڭتۇستىگىندە، ورتالىعىندا جانە ءشولدى اۋداندارىندا، شىعىس قازاقستان، قاراعاندى وبلىستارىنىڭ وڭتۇستىگىندە جانە ۇلىتاۋ وبلىسىندا، باتىس قازاقستان وبلىسىنىڭ وڭتۇستىگىندە، شىعىسىندا، اباي وبلىسىنىڭ باتىسىندا، سولتۇستىك- باتىسىندا، وڭتۇستىگىندە، ورتالىعىندا توتەنشە ءورت قاۋپى ساقتالادى.
