بۇگىن ەلوردادا وتەتىن ماڭىزدى شارالار اڭداتپاسى

аңдатпа
Фото: Фото: Pexels

 Kazinform حالىقارالىق اقپارات اگەنتتىگى 24-قازان كۇنى استانادا وتەتىن مادەني جانە قوعامدىق ماڭىزدى شارالار اڭداتپاسىن ۇسىنادى. 

9.00 دە Hilton Astana قوناق ۇيىندە العاشقى مەديتسينالىق- سانيتاريالىق كومەك جونىندەگى الماتى دەكلاراتسياسىنىڭ قابىلدانۋىنىڭ 45 جىلدىعىنا جانە استانا دەكلاراتسياسى قابىلدانۋىنىڭ 5 جىلدىعىنا ارنالعان حالىقارالىق كونفەرەنتسيانىڭ ەكىنشى كۇنى وتەدى.

11.00 دە استانا قالاسى كوممۋنيكاتسيالار قىزمەتىندە «مەديتسينالىق تۋريزم» تۋرالى ونلاين بريفينگ وتەدى. سپيكەر: «استانا دامۋ ورتالىعى» ج ش س مەديتسينالىق تۋريزمدى دامىتۋ جونىندەگى باسقارۋشى ديرەكتورى دارينا دەميان.

ونلاين باسپا ءسوز كونفەرەنسياسى استانا قالاسى كوممۋنيكاتسيالار قىزمەتىنىڭ facebook پاراقشاسىندا تىكەلەي ەفيردە وتەدى.

11.00 دە Qazaqstan ورتالىق كونسەرت زالىندا رەسپۋبليكا كۇنىنە ورايلاستىرىلعان سالتاناتتى ءىس-شارا وتەدى. وندا ەلىمىزدىڭ تۋريزم جانە سپورت سالاسىنا ەلەۋلى ۇلەس قوسقان قىزمەتكەرلەر مەن ارداگەرلەر مەملەكەتتىك ناگرادالار، قر پرەمەر- ءمينيسترىنىڭ قۇرمەت گراموتاسى جانە ۆەدومستۆالىق ءتوس بەلگىلەرمەن ماراپاتتالادى.

12.00 دە ءال-فارابي اتىنداعى وقۋشىلار سارايىندا رەسپۋبليكا كۇنىنە وراي ءبىلىم سالاسىنىڭ قىزمەتكەرلەرىنە قۇرمەت كورسەتۋ ءراسىمى وتەدى.

12.00 دە ق ر پرەزيدەنتى جانىنداعى ورتالىق كوممۋنيكاتسيالار قىزمەتىندە «24-قازان - كىتاپحاناشىلار كۇنى» اتتى باسپا ءسوز ءماسليحاتى وتەدى.

سپيكەرلەر: ق ر مادەنيەت جانە اقپارات مينيسترلىگىنىڭ ارحيۆ، قۇجاتتاما جانە كىتاپ ءىسى كوميتەتىنىڭ ءتوراعاسى بوراش قۋات قاھارمان ۇلى؛ ق ر ۇلتتىق اكادەميالىق كىتاپحاناسى كىتاپ ساقتاۋ قىزمەتىنىڭ عىلىم، سيرەك كىتاپتار جانە مانۋسكريپتەر سەكتورىنىڭ جەتەكشىسى داۋرەنبەكوۆا داريعا اسقار قىزى.

كورسەتىلىم سىلتەمەلەرى: youtube, facebook.

14.30 دا Mega Silk Way ساۋدا-ويىن-ساۋىق ورتالىعىندا نازاربايەۆ زياتكەرلىك مەكتەبىنىڭ وقۋشىلارى رەسپۋبليكا كۇنى قارساڭىندا فلەشموب وتكىزەدى.

19.00 دە جاستار تەاترىندا «ءومىر-عايىپ» مەلودراماسى ساحنالانادى.

19.00 دە جاس كورەرمەندەردىڭ مۋزىكالىق تەاترىندا «اباي- توعجان» مۋزىكالىق دراماسى قويىلادى.

19.00-دە «ناز» مەملەكەتتىك ءبي تەاترىنىڭ عيمارتىندا رەسپۋبليكا كۇنىنە وراي «رەسپۋبليكام قازاقستان» اتتى كونسەرتتىك باعدارلاماسى وتەدى.

سوڭعى جاڭالىقتار