بۇگىن كۇللى مۇسىلمان ءۇشىن ۇلىق سانالاتىن قۇربان ايت مەرەكەسى باستالدى

استانا. KAZINFORM - بۇگىن كۇللى مۇسىلمان ءۇشىن ۇلىق سانالاتىن قۇربان ايت مەرەكەسى باستالدى.

«يسلام دىنىندە قاسيەتتى كۇندەر، تۇندەر اي فازاسىنىڭ وزگەرۋىنە قاراي ەسەپتەلەدى. 7- ماۋسىمدا ھيجري جىل ساناۋى بويىنشا زۋل- حيججا ايى باستالدى. ياعني اراپا كۇنى بيىل 15- ماۋسىمعا سايكەس كەلەدى. 16- ماۋسىم - قۇربان ايت مەرەكەسىنىڭ ءبىرىنشى كۇنى»، - دەپ ءتۇسىندىردى قازاقستان مۇسىلماندارى ءدىني باسقارماسى.

مەرەكە كەزىندە قۇربان ايت نامازى وقىلادى، ءار وڭىردە ناماز وقۋدىڭ بەكىتىلگەن ۋاقىتى بار.

اتالعان مەرەكەگە ءتان مىندەت - قۇربان شالۋ. قۇرباندىققا مال شالىپ، مۇقتاج جاندارعا تاراتۋ، از دا بولسا ساداقا بەرىپ، قاراۋسىز قالعان قارتتارعا، جەتىمدەر مەن كوپبالالى وتباسىلارعا كوڭىل ءبولۋ - ساۋاپتى ءىس. سونداي-اق، مۇسىلماندار قۇلشىلىق ەتىپ، كوبىرەك جاقسى امالدار جاساۋعا تىرىسقانى ءجون.

ايتا كەتەيىك، قۇربان شالۋ ءراسىمىن قاشىقتان وتكىزۋگە ارنالعان qurban2024.kz سايتى ىسكە قوسىلدى.