بۇگىن Jibek Joly تەلەارناسىنان اتى اڭىزعا اينالعان «تاماشا» تۋرالى سەريال كورسەتىلە باستايدى
استانا. KAZINFORM - اتى اڭىزعا اينالعان «تاماشا» تەلەباعدارلاماسىنىڭ ەفيرگە شىققانىنا جارتى عاسىرعا تاياپتى. وسىعان قاراي جىبەك جولى ارناسى ءوز كورەرمەندەرىن ەرەكشە تەلەحيكايامەن قۋانتادى.
ەرتەڭنەن باستاپ ارنامىزدا ءازىل- سىقاق تەاترىنىڭ تانىمال نومىرلەرى مەن اكتەرلەرىنىڭ ساحنا سىرتىنداعى ءومىرى تۋرالى تەلەحيكايا كورەرمەندەرگە جول تارتادى. ون سەريادان تۇراتىن سەريال تاماشانىڭ قۇرىلۋ تاريحى مەن قالىپتاسۋ جولىن كورسەتەدى. ال تەاتر ساحناسىندا ونەر كورسەتكەن قۇدايبەرگەن سۇلتانبايەۆ، تۇڭعىشباي جامانقۇلوۆ، ليديا كادەنوۆا، داناگۇل تەمىرسۇلتانوۆا، ۋايس سۇلتانعازيندەر وبرازدارىن سەريالدان قايتا كورۋگە بولادى. تەلەحيكايانىڭ العاشقى ءبولىمى ەفيرگە بۇگىن كەشكى ساعات 19.00دە شىعادى.
قازسسر 1991 ج. الداعى ك س ر و- نىڭ ىدىراۋى اياسىندا «تاماشا» تەاترى ورتالىق تەلەديداردان تىس جەكە تەاترعا ءبولىندى. ك گ ب باسشىلىعى وتە تانىمال «تاماشا» تەاترىن باقىلاۋ جانە ۇستاۋ ءۇشىن تەاتر قاتارىنا اگەنتتى - جاس تيمۋر دارىبايەۆتى جوعارىلاتامىن دەگەن ۋادەمەن ەنگىزەدى. تيمۋر ءساتتى ەنىپ، ايىپتاۋ دالەلدەرىن جيناپ، ءاربىر «تاماشا» ارتىسىمەن جاقىنىراق تانىسىپ، ولاردىڭ ومىرىنە ارالاسىپ، تاماشالىقتاردى باسقا قىرىنان تاني باستايدى. ءبىراز ۋاقىتتان كەيىن تيمۋر تاڭداۋ جولىنا تۇسەدى. ءبىر جاعىنان - ونىڭ مانسابى، ەكىنشى جاعىنان - «تاماشا». سوڭىندا ءىستى تاپسىرۋ كەرەك بولعاندا «تاماشا - قازاق حالقىنىڭ داناسى، ونى ساقتاۋ كەرەك» دەگەن سويلەممەن ءبىر بەتتى پاراقشانى عانا تاپسىرىپ، ءسويتىپ ءوز مانسابىن قۇرتادى، ءبىراق «تاماشانى» قۇتقارادى.
سەريال قازاق حالقىنىڭ ەڭ تانىمال تەاترىنىڭ تاريحىندا بولعان بارلىق ماڭىزدى وقيعالاردى، تانىمال كەيىپكەرلەرمەن، ينتەرمەديالارمەن جانە مۋزىكامەن كورسەتەدى.
