بۇگىن اۋىر اتلەتيكادان جاسوسپىرىمدەر مەن جاستار اراسىندا ازيا چەمپيوناتى باستالادى
استانا. KAZINFORM - بۇگىن اۋىر اتلەتيكادان جاستار مەن جاسوسپىرىمدەر اراسىنداعى ازيا چەمپيوناتى باستالادى.
قۇرلىقتىق دوداعا 27 مەملەكەتتەن 450 دەن استام اۋىر اتلەت قاتىسادى جوسپارلانىپ وتىر.
جۇلدەلەر U17 جانە U20 جاس ساناتتارى بويىنشا ساراپقا سالىنادى.
ال قازاقستان قۇراماسى جارىستى ۇيىمداستىرۋشى ەل رەتىندە تولىق قۇراممەن جۇلدە ءۇشىن باق سىنايدى. ەل قۇراماسى ساپىندا 30 اۋىر اتلەت بار. ولاردىڭ اراسىندا 2024 -جىلعى دوحاداعى (قاتار) ازيا چەمپيوناتىنىڭ جانە جاقىندا وتكەن الەم بىرىنشىلىگىنىڭ جۇلدەگەرلەرى دە جارىس جولىنا شىعادى.
قۇراما ساپى 50 پايىزعا وزگەرگەن. ازيا چەمپيوناتى ولار ءۇشىن العاشقى حالىقارالىق جارىس بولماق.
ايتا كەتسەك، جارىس Qazaqstan جەڭىل اتلەتيكالىق سپورت كەشەنىندە وتەدى.
قۇرلىقتىق دوداعا ارنالعان وقۋ-جاتتىعۋ جيىندارى الماتى وبلىسىندا ءوتتى. جالپى ناۋرىز ايىنان بەرى 6 دايىندىق جۇمىسى جۇرگىزىلدى.
