بىلتىر ەلىمىزدە قانشا اۆتوكولىك شىعارىلدى

- قازىر اۆتوموبيل ونەركاسىبى - وتاندىق ماشينا جاساۋ سالاسىنداعى ستراتەگيالىق باعىتتاردىڭ ءبىرى. ول الەمنىڭ دامىعان مەملەكەتتەر تاجىريبەسىنە سايكەس كەزەڭ-كەزەڭىمەن دامىپ كەلەدى. ماسەلەن، كورەيادا بۇل سالانى قالىپتاستىرۋعا شامامەن 30 جىل قاجەت بولدى. ەلىمىزدە 2010-2019-جىلدارى وتاندىق اۆتوكولىك ءوندىرىسىنىڭ نەگىزى قالاندى. وسى كەزەڭدە نارىققا الەمدىك جەتەكشى برەندتەر كەلىپ، قۇراستىرۋ ءوندىرىسى ىسكە قوسىلدى. سونىڭ ناتيجەسىندە اۆتوموبيل ءوندىرىسىنىڭ كولەمى 3 مىڭنان 50 مىڭ بىرلىككە دەيىن ءوستى،-دەدى ول.

ال 2020-جىلدان باستاپ سالا دامۋدىڭ جاڭا كەزەڭىنە ءوتتى.

- دانەكەرلەۋ، بوياۋ پروتسەستەرىن قامتيتىن كۇردەلى قۇراستىرۋ ءوندىرىسى ەنگىزىلە باستادى. سونىڭ ناتيجەسىندە ءوندىرىس الەۋەتى ارتىپ، جىل قورىتىندىسى بويىنشا 171400 اۆتوكولىك شىعارىلدى. وتكەن جىلدان باستاپ اۆتوموبيل ونەركاسىبىنىڭ دامۋىنىڭ جاڭا كەزەڭى باستالدى، - دەدى مينيستر.

ايتا كەتەيىك، بۇعان دەيىن قازاقستاندا ەڭ كوپ ساتىلعان اۆتوكولىكتەر بەلگىلى بولعانىن جازعانبىز.