بەيجىڭ ءبىرجاقتى سانكسيالارعا قارسى: ق ح ر ترامپتىڭ مالىمدەمەسىنە پىكىر ءبىلدىردى

استانا. KAZINFORM - قىتاي ەنەرگەتيكالىق قاۋىپسىزدىك سالاسىنداعى ساياساتىن ءوز ۇلتتىق مۇددەلەرىنە سۇيەنە وتىرىپ، دەربەس ايقىندايدى، دەپ حابارلايدى يرنا اگەنتتىگى.

بۇل تۋرالى قىتاي حالىق رەسپۋبليكاسىنىڭ سىرتقى ىستەر مينيسترلىگىنىڭ رەسمي وكىلى گو تسزياكۋن مالىمدەدى.

- قىتاي ءارقاشان ەنەرگەتيكالىق قاۋىپسىزدىك سالاسىنداعى ساياساتىندا ءوز مۇددەلەرىن باسشىلىققا الادى. ءبىز ءبىرجاقتى سانكسيالار مەن سىرتقى قىسىمعا ءۇزىلدى-كەسىلدى قارسىمىز، - دەدى ديپلومات.

بۇل مالىمدەمە ۆاشينگتوننىڭ يرانعا قارسى سانكسيالاردى، سونىڭ ىشىندە ەنەرگەتيكا سالاسىنداعى شەكتەۋلەردى حالىقارالىق ارىپتەستەرىنەن ساقتاۋدى تالاپ ەتىپ جاتقان قىسىمى اياسىندا جاسالدى.

بۇعان دەيىن دونالد ترامپ يزرايل مەن يران اتىستى توقتاتۋ تۋرالى كەلىسىمگە كەلگەننەن كەيىن قىتاي يران مۇنايىن ساتىپ الۋدى جالعاستىرۋى مۇمكىن ەكەنىن ايتقان بولاتىن. الايدا كەيىنىرەك اق ءۇي ترامپتىڭ بۇل پىكىرلەرى ا ق ش سانكسيالارىنىڭ جەڭىلدەيتىنىن بىلدىرمەيتىنىن ءتۇسىندىردى.

سونىمەن قوسا قىتاي ا ق ش- پەن ساۋدا كەلىسىمى جاسالعانىن راستادى. جاريالانعان مالىمدەمەدە ق ح ر باقىلاۋداعى تاۋارلاردىڭ ەسكپورتىنا رۇقسات ەتىلگەنىن راستايدى، ال ا ق ش قىتايعا قارسى قولعا الىنعان شەكتەۋ شارالارىن الىپ تاستايدى.