بيشىمبايەۆتىڭ بۇرىنعى ايەلى سوت ۇكىمىنە قاتىستى پىكىر ءبىلدىردى

ىپىپى
Фото: Тұрар Қазанғапов

استانا. KAZINFORM - سالتانات نۇكەنوۆانى ءولتىردى دەپ سوتتالعان قۋاندىق بيشىمبايەۆتىڭ بۇرىنعى ايەلى نازىم قاھارمان سوت ۇكىمىنە قاتىستى پىكىر ءبىلدىردى.

نازىم وسى ۋاقىت ىشىندە وزىنە دە، بالالارىنا دا وتە قيىن بولعانىن مويىندادى.

«ءبىر جاعىنان ايەل رەتىندە، وسى ەلدىڭ ازاماتى رەتىندە اشىق سوتتى قولدادىم، ويتكەنى بۇل پروتسەستى قوعامنىڭ ساۋىعۋى مەن تەراپياسىنا قادام رەتىندە قابىلدايمىن. ەكىنشى جاعىنان، سوت بالالار مەن ماعان كۇيزەلىس بولىپ ءتيدى، ويتكەنى وندا ادام شوشىرلىق ءمان-جايلار بەلگىلى بولدى. بالالار مۇنى قابىلداپ، ءارى قاراي دا ءومىر ءسۇرۋى كەرەك. الەمدەگى بىردە-ءبىر بالاعا مۇنى تىلەمەيمىن. سوندىقتان ءبارى اياقتالعانىنا جەڭىلدەپ قالدىق»، - دەدى نازىم قاھارمان.

قۋاندىق بيشىمبايەۆتىڭ بۇرىنعى ايەلى نۇكەنوۆتار وتباسىنا تاعى دا كوڭىل ايتتى.

«مەنىڭ ويىمشا، القابيلەر سوتى ءىستىڭ بارلىق اشىق جانە جابىق ماتەريالىن قاراپ، سانالى جانە دۇرىس شەشىم قابىلدادى»، - دەدى ول.

ايتا كەتەيىك، نازىم قاھارمان قۋاندىق بيشىمبايەۆپەن 14 جىل رەسمي نەكەدە بولعان، ولاردىڭ ءۇش بالاسى بار. ەرلى-زايىپتى 2020-جىلى، ەكس-مينيستر بۇرىنعى قىلمىستىق ءىسى بويىنشا كولونيادان بوساعاننان كەيىن ءبىر جىل وتكەن سوڭ اجىراسقان.

ەسكە سالايىق، كەشە قۋاندىق بيشىمبايەۆقا سوت ۇكىمى شىقتى. ول 24 جىلعا سوتتالدى.

Tengrinews.kz

سوڭعى جاڭالىقتار