بيشىمبايەۆ پەن بايجانوۆتىڭ اپەللياتسيالىق شاعىمى 26-ماۋسىمدا قارالادى

استانا. KAZINFORM - قۋاندىق بيشىمبايەۆ پەن باقىتجان بايجانوۆقا قاتىستى قىلمىستىق ءىس اپەللياتسيالىق ساتىعا ءتۇستى. بۇل تۋرالى استانا قالالىق سوتىنىڭ باسپا ءسوز قىزمەتىنەن ءمالىم ەتتى.

сот
Фото: Жоғарғы сот

«2024 -جىلعى 10-ماۋسىمدا قۋاندىق بيشىمبايەۆ پەن باقىتجان بايجانوۆقا قاتىستى قىلمىستىق ءىس استانا قالالىق سوتىنا كەلىپ ءتۇستى. سۋديانىڭ وسى جىلدىڭ 11 -ماۋسىمداعى قاۋلىسىمەن اتالعان ءىستى قاراۋ 2024 -جىلعى 26-ماۋسىم ساعات 10.00 گە بەلگىلەندى. سوت وتىرىسى استانا قالالىق سوتىنىڭ عيماراتىندا استانا قالاسى، الييەۆ كوشەسى، 6، ۆ بلوگى مەكەنجايىندا وتەدى»، - دەپ اتاپ ءوتتى قالالىق سوتتان.

ايتا كەتەيىك، 13-مامىردا استانا قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىمەن ق. بيشىمبايەۆ پەن ب. بايجانوۆقا ۇكىم شىقتى.

ۇكىم جاريا ەتىلگەننەن كەيىن سوتتالعاندار مەن ولاردىڭ قورعاۋشىلارى زاڭمەن بەلگىلەنگەن مەرزىمدە ۇكىمگە اپەللياتسيالىق شاعىم جاسادى.

ولار اپەللياتسيالىق شاعىمىندا ب. بايجانوۆتى ءىس- ارەكەتىندە قىلمىس قۇرامىنىڭ بولماۋىنا بايلانىستى اقتاۋدى، ۇكىمنىڭ ق. بيشىمبايەۆقا قاتىستى ق ك 99-بابى 2-بولىگىنىڭ 5-تارماعى بويىنشا ايىپتاۋ بولىگىن وزگەرتىپ، ونىڭ ءىس- ارەكەتىن وزگەرتىلگەن بىلىكتىلىككە سايكەس جازانى تومەندەتە وتىرىپ، ق ك 106-بابىنىڭ 3-بولىگىنە قايتا سارالاۋدى، سونداي- اق ءىستى قايتا قاراۋعا جىبەرە وتىرىپ، سوت ۇكىمىنىڭ كۇشىن جويۋدى سۇراعان.

سوڭعى جاڭالىقتار