بيشىمبايەۆ پەن بايجانوۆقا قاتىستى اپەللياتسيالىق ساتىداعى سوت وتىرىسى تىكەلەي ەفيردە وتەتىن بولدى

сот
Фото: Жоғарғы сот

استانا. KAZINFORM – ق ر جوعارعى سوتى ق. بيشىمبايەۆ پەن ب. بايجانوۆقا قاتىستى قىلمىستىق ءىس اپەللياتسيالىق ساتىعا تۇسكەنىن حابارلادى.

«ق ر جوعارعى سوتى رەسپۋبليكا سوتتارىنىڭ وتىرىستارىن تىكەلەي ەفيردە وتكىزۋ تاجىريبەسىن جالعاستىرىپ جاتىر. ق. بيشىمبايەۆ پەن ب. بايجانوۆقا قاتىستى قىلمىستىق ءىس اپەللياتسيالىق ساتىعا ءتۇستى»، - دەلىنگەن حابارلامادا.

سۋديانىڭ وسى جىلدىڭ 11-ماۋسىمداعى قاۋلىسىمەن ءىستى قاراۋ 2024-جىلعى 26-ماۋسىمعا، ساعات 10.00 گە بەلگىلەندى.

جوعارعى سوت قوعامنىڭ سوت پروتسەسىنە قىزىعۋشىلىعىنىڭ ارتقانىن ەسكەرە وتىرىپ، اپەللياتسيالىق ساتىداعى سوت وتىرىستارىنىڭ ونلاين-ترانسلياتسياسىن جالعاستىرۋ تۋرالى شەشىم قابىلداندى. سوت وتىرىستارى تىكەلەي ەفيردە وتەدى.

بۇل سوت پروتسەسىنىڭ بارىسى تۋرالى بارلىق اقپارات جوعارعى سوتتىڭ الەۋمەتتىك جەلىلەردەگى رەسمي اككاۋنتتارىندا جەدەل جاريالانادى.

ايتا كەتەيىك، قۋاندىق بيشىمبايەۆ 24 جىلعا سوتتالدى.

ەسكە سالساق، 2023-جىلى 9-قاراشادا استاناداعى «Bau» مەيرامحاناسىندا بۇرىنعى ۇلتتىق ەكونوميكا ءمينيسترى قۋاندىق بيشىمبايەۆ ءوزىنىڭ جۇبايىن سوققىعا جىقتى. ايەل جەدەل جاردەم جەتكەنشە كوز جۇمدى.

سونداي-اق، ەكس-شەنەۋنىكتىڭ مەرزىمىنەن بۇرىن بوساپ شىعۋى مۇمكىن بە، دەگەن تاقىرىپتا شولۋ جاساعان ەدىك.

ودان بولەك، ق. بيشىمبايەۆتىڭ مەرزىمىنەن بۇرىن بوساپ شىعۋىنا كىمدەردىڭ كەلىسىمى كەرەك ەكەندىگىنە قاتىستى ادىلەت ۆيتسە-ءمينيسترى بوتاگوز جاقسەلەكوۆانىڭ پىكىرىن بىلدىك.

قۋاندىق بيشىمبايەۆتىڭ ءىسى اپەللياتسيالىق سوتقا جىبەرىلدى.

سوڭعى جاڭالىقتار