بەس وبلىستا رەسپۋبليكالىق ماڭىزى بار جولداردا كولىك قوزعالىسى شەكتەلدى
استانا. قازاقپارات - 2025 -جىلعى 11-ناۋرىز ساعات 8:00 جاعداي بويىنشا 5 وبلىستاعى 5 رەسپۋبليكالىق ماڭىزى بار اۆتوموبيل جولدارىندا كولىك قوزعالىسىنا شەكتەۋ قويىلدى

اقمولا وبلىسى:
- «استانا- اتباسار- جاقسى- رۋزايەۆكا- سارىكول- قوستاناي- ر ف شەكاراسى» اۆتوجولىنىڭ 856-917-شاقىرىم ارالىعى (سولتۇستىك قازاقستان وبلىسى شەكاراسى- جاقسى اۋىلى).
قاراعاندى وبلىسى:
- «استانا- قاراعاندى- الماتى» اۆتوجولىنىڭ 1505-1610-شاقىرىم ارالىعى (اتامەكەن اۋىلى- اقسۋ- ايۋلى اۋىلى).
قوستاناي وبلىسى:
- «جەزقازعان- ارقالىق- پەتروپاۆل» اۆتوجولىنىڭ 252-340-شاقىرىم ارالىعى ( ۇلىتاۋ وبلىسى شەكاراسى- ارقالىق قالاسى).
سولتۇستىك قازاقستان وبلىسى:
- «استانا- اتباسار- جاقسى- رۋزايەۆكا- سارىكول- قوستاناي- ر ف شەكاراسى» اۆتوجولىنىڭ 795-856 شاقىرىم ارالىعى (رۋزايەۆكا اۋىلى- اقمولا وبلىسى شەكاراسى).
ۇلىتاۋ وبلىسى:
- «جەزقازعان- ارقالىق- پەتروپاۆل» اۆتوجولىنىڭ 137-252-شاقىرىم ارالىعى ( ۇلىتاۋ اۋىلى- قوستاناي وبلىسى شەكاراسى).
قازىرگى تاڭدا رەسپۋبليكالىق جولداردى كۇتىپ-ۇستاۋعا 703 ارنايى تەحنيكا مەن 1770 مامان جۇمىلدىرىلدى.