21:16, 12 - شىلدە 2024 | GMT +6
بۇرىنعى ادىلەت ءمينيسترى مارات بەكەتايەۆقا قاتىستى تەرگەۋ امالدارى اياقتالدى - انتيكور
استانا. KAZINFORM - ەكس-شەنەۋنىك مارات بەكەتايەۆپەن قاتار تاعى بىرنەشە تۇلعا تەرگەلدى. بۇل تۋرالى سىبايلاس جەمقورلىققا قارسى ءىس-قيمىل اگەنتتىگى حابارلايدى.
«سىبايلاس جەمقورلىققا قارسى قىزمەت بۇرىنعى ادىلەت مينيسترىنە جانە باسقا دا قاتىسى بار تۇلعالارعا قاتىستى سوتقا دەيىنگى تەرگەپ-تەكسەرۋدى اياقتادى»، - دەلىنگەن اگەنتتىك تاراتقان اقپاراتتا.
ەسكە سالا كەتەيىك، بۇرىنعى ادىلەت ءمينيسترى بىلتىر قازاندا لاۋازىمدىق وكىلەتتىگىن اسىرا پايدالاندى دەگەن كۇدىكپەن ۇستالعان ەدى.
انتيكوردىڭ مالىمەتىنشە، ول تالاپ ەتىلمەيتىن قىزمەتتەردى كورسەتۋگە جىل سايىنعى كەلىسىمشارتتار جاساۋ ارقىلى ۇلەستەس كومپانيانىڭ مۇددەسىن قولداعان.
ەكس-شەنەۋنىكتى قاماۋدا ۇستاۋ مەرزىمى بىرنەشە رەت ۇزارتىلدى. سوڭعى رەت بيىل 21-مامىردا 2024-جىلعى 21-ماۋسىمعا دەيىن قاماۋ سانكتسيالاندى.
