بۇركىتتى قولعا شاقىرۋدىڭ ەرەجەسى قانداي
استانا. KAZINFORM - بۇركىت قۇسى بويىنشا 18 سپورتشى جۇلدەگە تالاسىپ جاتىر. كەيىن سپورتشىلار سۇڭقار جانە قارشىعامەن سىنعا تۇسەدى.
بۇركىتتى قولعا شاقىرۋ جارىسىن تاماشالاۋعا جينالعانداردىڭ قاراسى كوپ. جاسىراتىنى جوق، كوبى جارىس ەرەجەسىن تۇسىنبەي جاتىر.
وسى رەتتە ۇيىمداستىرۋشىلاردان سايىستىڭ ءمان-جايىن سۇراپ بىلدىك.
بەلگىلى بولعانداي، ءار كوماندا قۇرامىندا 3 بۇركىتشى، 1 باپكەر، 1 مال دارىگەرى تىركەلگەن. جارىسقا 18 جاستان اسقان سپورتشىلار جىبەرىلەدى.
«بۇل جارىستا بۇركىت سپورتشىدان 500 مەتر قاشىقتىقتا وتىرادى. تورەشىنىڭ بەلگىسى بويىنشا بۇركىتشى قولىنا جەم ۇستاپ، بۇركىتىن شاقىرا باستايدى. مۇندا بۇركىتتىڭ بۇركىتشىنىڭ قولىنا كەلۋ ۋاقىتى ەسەپتەلەدى. تورەشى ىسقىرعان كەزدە ۋاقىت ساناعى باستالادى. ەگەر ەكى مينۋت ىشىندە بۇركىت يەسىنىڭ داۋىسىنا جاۋاپ بەرمەسە، تالپىنىس ەسەپتەلمەيدى. ءار قاتىسۋشىعا جەردە تۇرعاندا نەمەسە ات ۇستىندە تۇرىپ ءوزىنىڭ بۇركىتىن ءبىر رەت شاقىرۋعا رۇقسات ەتىلەدى»، - دەدى ق ر قۇسبەگىلىك فەدەراتسياسىنىڭ وكىلدەرى اگەنتتىك تىلشىسىنە بەرگەن جاۋابىندا.
اۆتور
ورالحان قوجانوۆ
