بۇرشاق، داۋىل، تۇمان: 8-مامىرعا اۋا رايى بولجامى

سينوپتيكتەردىڭ مالىمەتىنشە، سولتۇستىك-باتىس سيكلونى جانە ونىمەن بايلانىستى اتموسفەرالىق فرونتالدى بولىمدەر اسەرىنەن، قازاقستاننىڭ بارلىق اۋماعىندا نايزاعاي ويناپ، جاڭبىر جاۋادى.

ەلىمىزدىڭ باتىسىندا، سولتۇستىگىندە قاتتى جاڭبىر، بۇرشاق جاۋىپ، داۋىل تۇرىپ، تۇندە جانە تاڭەرتەڭ تۇمان بولادى. تەك ق ر وڭتۇستىك-شىعىسىندا جاۋىن-شاشىنسىز اۋا رايى ساقتالادى. رەسپۋبليكا بويىنشا جەل كۇشەيەدى. ەلدىڭ وڭتۇستىگىندە، وڭتۇستىك-شىعىسىندا شاڭدى داۋىل بولادى.

قىزىلوردا، قاراعاندى، پاۆلودار وبلىستارىندا، ۇلىتاۋ، اباي، جەتىسۋ وبلىستارىنىڭ سولتۇستىگىندە، تۇركىستان وبلىسىنىڭ، وڭتۇستىگىندە، ورتالىعىندا جوعارى ءورت قاۋپى كۇتىلەدى. مۇنداي اۋا رايى جامبىل وبلىسىنىڭ سولتۇستىگىندە، باتىسىندا، شىعىسىندا، ورتالىعىندا، الماتى وبلىسىنىڭ سولتۇستىگىندە، ورتالىعىندا، اقتوبە وبلىسىنىڭ وڭتۇستىگىندە دە بولجانعان. اقمولا وبلىسىنىڭ وڭتۇستىك-شىعىسىندا، سولتۇستىك قازاقستان وبلىسىنىڭ باتىسىندا، شىعىس قازاقستان وبلىسىنىڭ باتىسىندا، سولتۇستىك-باتىسىندا دا جوعارى ءورت قاۋپى كۇتىلەدى.

جەتىسۋ وبلىسىنىڭ وڭتۇستىك-شىعىسىندا، وڭتۇستىگىندە توتەنشە ءورت قاۋپى ساقتالادى.

بۇعان دەيىن «قازگيدرومەت» ر م ك ەلىمىزدەگى اۋا ساپاسىنا قاتىستى بولجامىن جاريالادى.