برازيليادا سۋ تاسقىنىنان قازا تاپقاندار سانى 144 ادامعا جەتتى
استانا. KAZINFORM - برازيليادا نوسەر جاۋىننان بولعان سۋ تاسقىنى سالدارىنان قازا تاپقاندار سانى 144 ادامعا جەتتى، 125 ادام ءىز-ءتۇزسىز جوعالدى، دەپ حابارلايدى انادولى اقپارات اگەنتتىگى.
ەلدىڭ وڭتۇستىگىندەگى ريۋ-گراندە- دۋ-سۋل شتاتىندا وتكەن اپتادان بەرى تولاسسىز جاۋعان جاڭبىردان كەيىنگى سۋ تاسقىنى سالدارىنان قازا تاپقاندار سانى ارتۋدا.
شتاتتىڭ ازاماتتىق قورعانىس مالىمدەمەسىندە قازا تاپقاندار سانى 137، ءىز-ءتۇزسىز جوعالعاندار سانى 125 كە جەتكەنى اتاپ وتىلەدى. جاراقات العاندار سانى 800 ادامعا جەتتى. سۋ تاسقىنىنان 2,1 ميلليوننان استام ادام زارداپ شەكسە، 620 مىڭنان استامى قونىس اۋدارۋعا ءماجبۇر بولدى.
ريۋ- گراندە- دۋ-سۋل شتاتىنىڭ گۋبەرناتورى ەدۋاردو لەيتە 3-مامىردا قۇتقارۋشىلار جەتە الماعان جەرلەر ءالى دە بار ەكەنىن ايتتى.
«ءبىز تىم ەرەكشە جاعدايدى باستان كەشىرىپ جاتىرمىز. بۇل - مەملەكەت تاريحىنداعى ەڭ جويقىن وقيعا»، - دەدى ول.
لەيتە قايعىلى وقيعانىڭ اۋقىمدىلىعىنا بايلانىستى شتاتتا 180 كۇنگە «تابيعي اپات جاعدايى» جاريالانعانىن جانە ادامداردى ەۆاكۋاتسيالاۋ ءۇشىن ۇلكەن جۇمىستاردىڭ جۇرگىزىلىپ جاتقانىن ايتتى.
تابيعات اپاتىنان زارداپ شەككەن ايماقتارعا ەكى رەت بارعان برازيليا پرەزيدەنتى لۋيس يناسيۋ لۋلا دا سيلۆا ايماقتىڭ قايتا جانداناتىنىنا سەنىم ءبىلدىردى.
