بەنزين باعاسىن كوتەرۋگە موراتوري قانشا ۋاقىتقا سوزىلادى - ەنەرگەتيكا ءمينيسترىنىڭ جاۋابى

استانا. KAZINFORM - ەنەرگەتيكا ءمينيسترى ەرلان اقكەنجەنوۆ ەلىمىزدە بەنزين باعاسىن كوتەرۋگە موراتوري قانشا ۋاقىت سوزىلاتىندىعىنا قاتىستى پايىمىن ءبىلدىردى.

- پرەزيدەنتتىڭ بارلىق نارىقتى ىرىقتاندىرۋ تۋرالى جارلىعى بار. ول جارلىق ءالى دە قولدانىستا. ىرىقتاندىرۋدى ەشكىم الىپ تاستاعان جوق. ال موراتوري - بۇل توقتاتۋ. قانشا ۋاقىت كەرەك دەيتىن بولساق، ينفلياتسيانىڭ قالىپتى، قولايلى دەڭگەيى ورناعانعا دەيىن، - دەدى مينيستر اقوردادا باق وكىلدەرىنىڭ ساۋالىنا وراي.

ول بۇگىندە مەملەكەت شەكتى باعا بەلگىلەمەيتىندىگىن اتاپ ءوتتى.

- جالپى، ەگەر مەملەكەت بۇرىنعىداي باعا بەلگىلەۋگە قاتىسۋشى بولماسا، وندا تىسقارى تۇرادى. ءبىز تيىسىنشە كەلىسسوزدەر جۇرگىزىپ، ارىپتەستەرىمىزگە باعانى كوتەرمەۋگە كەڭەس بەردىك. مەملەكەت بۇرىنعىداي تىكەلەي باعانى رەتتەپ، بەلگىلەمەيدى، - دەدى ەرلان اقكەنجەنوۆ.

ايتا كەتەيىك، تاياۋدا ۇكىمەت بەنزين مەن تاريف باعاسىنا موراتوريي ەنگىزىلىپ، يپوتەكا كولەمى ۇلعايتۋ شەشىمىن جاريا ەتكەن بولاتىن.