بەلگىلى سپورتشى جاۋاپتى قىزمەتكە تاعايىندالدى
اقتاۋ. KAZINFORM - ماڭعىستاۋ وبلىستىق سامبو فەدەراتسياسى پرەزيدەنتىنىڭ بۇيرىعىمەن وڭىرلىك سامبو فەدەراتسياسىنىڭ سپورتتىق ديرەكتورى رەتىندە حالىقارالىق دارەجەدەگى سپورت شەبەرى سۇڭعات ماناربەك ۇلى تاعايىندالدى.
وڭىرلىك سامبو فەدەراتسياسى باسپا ءسوز قىزمەتىنىڭ حابارلاۋىنشا، بايراقتى باسكەلەردە توپ جارىپ، ەلىمىزدىڭ كوك بايراعىن وزگە ەلدە كوتەرىپ، ءانۇرانىمىزدى شىرقاتىپ جۇرگەن سۇڭعات جۇباتقان ەندى سامبونى دامىتۋعا كۇش سالماق. ول 1998-جىلى ماڭعىستاۋ اۋدانىنىڭ ورتالىعى شەتپە كەنتىندە دۇنيەگە كەلگەن.
سۇڭعات جۇباتقان دزيۋدادان ازيا، ەۋروپادا وتكەن تۋرنيرلەردىڭ، سونداي-اق، قازاقستان بىرىنشىلىگىنىڭ بىرنەشە دۇركىن جەڭىمپازى. دۇنيەجۇزىلىك ۋنيۆەرسيادا ويىندارى مەن الەم كۋبوگىنىڭ قولا جۇلدەگەرى، حالىقارالىق دارەجەدەگى سپورت شەبەرى. سامبودان ق ر چەمپيوناتىنىڭ بىرنەشە دۇركىن چەمپيونى جانە ازيا چەمپيونى. الەم چەمپيوناتىنىڭ كۇمىس جانە قولا جۇلدەسىنىڭ يەگەرى.
ماڭعىستاۋ وبلىستىق سامبو فەدەراتسياسىنىڭ اتقارۋشى ديرەكتورى اسحات قاپانوۆ سۇڭعات جۇباتقانعا فەدەراتسيانىڭ سپورتتىق ديرەكتورى ەكەنىن راستايتىن قۇجاتتى تابىستادى.
بۇدان بولەك، ق ر سامبو فەدەراتسياسىنىڭ قۇرىلتايشىسى، وڭىرلىك سامبو فەدەراتسياسىنىڭ پرەزيدەنتى مەن ۆيتسە-پرەزيدەنتى سۇڭعات جۇباتقاندى جاڭا قىزمەتتە بەرىلگەن تاپسىرمالاردى ابىرويمەن اتقاراتىنىنا سەنىم ءبىلدىردى.
