بەلگيادا ۇلتتىق ەرەۋىل بولادى دەپ جوسپارلانىپ وتىر

استانا. قازاقپارات - 13 - قاڭتاردا بەلگيادا بىردەن بىرنەشە سالاعا اسەر ەتەتىن اۋقىمدى ەرەۋىل جوسپارلانعان، دەپ حابارلايدى Kazinform اگەنتتىگىنىڭ مەنشىكتى ءتىلشىسى.

كولىك سەكتورى، ءبىلىم بەرۋ، ۇلتتىق تۇرمە قىزمەتىنىڭ كاسىپوداقتارى ءوز مۇشەلەرىن ىقتيمال زەينەتاقى رەفورماسىنا قارسىلىق ءبىلدىرۋ ءۇشىن جالپى ۇلتتىق ەرەۋىلگە قاتىسۋعا شاقىردى.

- ۇسىنىلعان شارالار بارلىق جۇمىس ىستەيتىن ەرلەر مەن ايەلدەرگە بۇرىن-سوڭدى بولماعان شابۋىل، - دەپ مالىمدەدى كاسىپوداقتار.

ەرەۋىلشىلەر بريۋسسەلدەگى البەرتينا الاڭىندا دۇيسەنبى كۇنى تاڭەرتەڭ ساعات 10:00 دە جينالادى، ءبىراق رەسمي اكتسيا جەكسەنبى كۇنى ساعات 22:00 دەن دۇيسەنبى كۇنى 22:00 گە دەيىن وتەدى.

بريۋسسەل ەرەۋىلدىڭ زارداپتارى اۋىر ببولۋى مۇمكىن دەپ بولجاپ وتىر.

- كوپتەگەن رەيستەردى توقتاتۋعا نەمەسە كەيىنگە قالدىرۋعا تۋرا كەلەدى، - دەدى «Belga» اگەنتتىگىنە باسپا ءسوز حاتشى يحسانە چيۋا لەحلي.

اۋە كومپانيالارى زارداپ شەككەن رەيستەردەگى جولاۋشىلارمەن تىكەلەي بايلانىسادى، دەپ قوستى اۋەجاي وكىلى.

SNCB تەمىرجول وپەراتورى دۇيسەنبىدە پويىز قاتىناسى قاتتى بۇزىلاتىنىن راستادى. SNCB تاسىمالداۋشىسى سەرىكتەس «infrabel» كومپانياسىمەن بىرلەسىپ، ەرەۋىلگە قاتىسپايتىن قىزمەتكەرلەرگە ارنالعان تۇزەتىلگەن تەمىر جول قىزمەتى كەستەسىن دايىنداپ جاتىر. جوسپار سەنبى كۇنى جاريالانادى جانە جەكسەنبىدەن باستاپ SNCB ونلاين ساياحات جوسپارلاۋشىسىندا قولجەتىمدى بولادى.

بريۋسسەل قوعامدىق كولىك وپەراتورى STIB دە ءوز جۇمىسىندا ۇلكەن ۇزىلىستەردى شامالاپ وتىر. ول كەيبىر قىزمەتتەرىنە كەپىلدىك بەرۋگە تىرىسادى، ءبىراق جولاۋشىلاردان مۇمكىندىگىنشە بالامالى كولىك تۇرلەرىن پايدالانۋىن سۇرادى.

بريۋسسەل تۇرعىندارى دۇيسەنبى كۇنى قالادا قوقىس جينالماۋى مۇمكىن ەكەنى ەسكەرتىلدى. دەگەنمەن، Bruxelles-Propreté (بريۋسسەلدە قوعامدىق تازالاۋعا جاۋاپتى اگەنتتىك) زارداپ شەككەن اۋداندارداعى تۇرعىندار مەن كاسىپورىندارعا ادەتتەگى كەستەنى ساقتاۋعا كەڭەس بەردى.

بۇعان دەيىن اۋستريادا ون مىڭداعان ادام اسىرە وڭشىل پارتياعا قارسى شەرۋگە شىققانىن جازعان بولاتىنبىز.