بەلارۋستە ش ى ۇ-عا قاتىسۋشى ەلدەردىڭ مادەنيەت مينيسترلەرىنىڭ العاشقى كەزدەسۋى ءوتتى

استانا. KAZINFORM - شاڭحاي ىنتىماقتاستىق ۇيىمىنا قاتىسۋشى ەلدەردىڭ مادەنيەت مينيسترلەرىنىڭ العاشقى كەزدەسۋى «ۆيتەبسكىدەگى سلاۆيان بازارى» XXXIII حالىقارالىق ونەر فەستيۆالى اياسىندا باستالدى، دەپ حابارلايدى بەلتا.

كەزدەسۋگە بەلارۋس، رەسەي، ازەربايجان، وزبەكستان، تاجىكستان، پاكىستان، قىرعىزستان، ق ح ر، قازاقستان، يران جانە ءۇندىستان وكىلدەرى قاتىسۋدا. ۆيتەبسكىگە سونداي-اق ش ى ۇ باس حاتشىسى جاڭ ميڭ كەلدى.

بەلارۋس مادەنيەت ءمينيسترى اناتولي ماركيەۆيچ بۇعان دەيىن تىلشىلەرگە وسى كەزدەسۋدەن كۇتىلەتىن پراكتيكالىق قورىتىندى تۋرالى ايتقان بولاتىن. ونىڭ اتاپ وتۋىنشە، مۇندا ءبىر جانە ەڭ باستى ماسەلە - مادەنيەتتەر اراسىنداعى ديالوگ تالقىلانادى.

«ءبىز كەيىننەن بەلارۋستەن ءبىز ءۇشىن «داستۇرلەر ارقىلى - بولاشاققا» اتتى وتە ماڭىزدى حالىقارالىق جاستار فورۋمىن وتكىزۋ تۋرالى باستاما كوتەرۋگە نيەتتى بولعاندىقتان وتىرىسقا قاتىسۋشىلاردىڭ بارلىعىنىڭ پىكىرىن تىڭداعىمىز كەلەدى. سوندىقتان وسى تاقىرىپتى تالقىلاپ، بۇگىنگى تاڭدا ءار ەلدە بار جول كارتالارىندا، بىرلەسكەن جۇمىستا قانشالىقتى جەتىستىككە جەتكەنىمىزدى كورگىمىز كەلەدى. مەن مۇمكىن ءبىز وڭاي تۇگەندەۋ جۇرگىزىپ، ءجۇرىپ وتكەن جولدى قاراستىرۋىمىز كەرەك شىعار دەپ ۇسىنامىن. جانە بولاشاقتا وتە ماڭىزدى جوبالارىمىزدى بەلگىلەيمىز»، - دەدى مينيستر.

ش ى ۇ-عا قاتىسۋشى مەملەكەتتەردىڭ مادەنيەت مينيسترلەرىنىڭ كەزدەسۋى ۆيتەبسكىدە العاش رەت ءوتىپ وتىر جانە بەلارۋس ءۇشىن ەرەكشە ماڭىزعا يە. بەلارۋس شىلدە ايىنىڭ باسىندا شاڭحاي ىنتىماقتاستىق ۇيىمىنىڭ مۇشەسى بولدى، ءتيىستى شەشىمگە استانادا ش ى ۇ-عا مۇشە مەملەكەتتەر باسشىلارى كەڭەسىنىڭ وتىرىسى بارىسىندا قول قويىلدى.

اۆتور
زارينا تۋعانبايەۆا