باۋىرلاس تۇركى مەملەكەتتەرىنىڭ تۋى وزگەردى

استانا. قازاقپارات - تۇركى مەملەكەتتەرى ۇيىمىنىڭ بىشكەكتەگى 11-سامميتىندە جاڭا تۋ تانىستىرىلىپ، رەسمي تۇردە بەكىتىلدى، دەپ حابارلايدى Report.az باسىلىمى. 

ءازىربايجان، قازاقستان، قىرعىزستان، تۇركيا جانە وزبەكستان باسشىلارى - يلحام اليەۆ، قاسىم-جومارت توقايەۆ، سادىر جاپاروۆ، رەجەپ تايىپ ەردوعان جانە شاۆكات ميرزيەيەۆ - ۇيىمنىڭ تۇركى الەمىنىڭ بىرلىگى مەن ورتاق مادەني تامىرىن بەينەلەيتىن جاڭا سيمۆولىن ماقۇلدادى.

جاڭا تۋدىڭ ءتۇسى - بەيبىتشىلىك پەن وركەندەۋدى بىلدىرەتىن كوگىلدىر فون، سونداي-اق جارتى اي مەن جۇلدىز، سەگىزبۇرىش جانە تەڭ تاراعان ساۋلەلەرى بار كۇن بەينەسى بار. كوگىلدىر ءتۇس - تاريحي تۇركى داستۇرلەرىنە مەڭزەيدى، ال سەگىزبۇرىش - تۇركى حالىقتارىنىڭ ەجەلگى مەملەكەتتىلىگى مەن تۇراقتىلىقتى بەينەلەيدى.

كۇن مەن ونىڭ قىرىق ساۋلەسى جارىق پەن ومىرلىك قۋاتتى، ورتاق قۇندىلىقتار مەن جارقىن بولاشاققا ۇمتىلىستى بىلدىرەدى. جارتى اي مەن جۇلدىز تۇركى مەملەكەتتىلىگىنىڭ جانە پروگرەستىڭ سيمۆولى رەتىندە كورىنىس تاپقان.