بايدەن مەن ترامپ اق ۇيدە كەزدەستى
استانا. KAZINFORM - ا ق ش- تىڭ قازىرگى پرەزيدەنتى دجو بايدەن جاڭادان سايلانعان مەملەكەت باسشىسى دونالد ترامپتى اق ۇيدە قابىلدادى، دەپ حابارلايدى Euronews اقپارات اگەنتتىگى.
بايدەن مەن ترامپ بيلىكتىڭ بىرتىندەپ اۋىسۋىن تالقىلادى. بۇل - بيلىكتى بەيبىت جولمەن بەرۋدىڭ ءداستۇرلى بولىگى سانالادى. دەگەنمەن ترامپ ءتورت جىل بۇرىن اتالعان راسىمگە قاتىسۋدان باس تارتقان بولاتىن.
كەزدەسۋ بارىسىندا بايدەن ترامپتى قول الىسىپ قارسى الدى. ولاردىڭ ءارقايسىسى دەموكراتيالىقتان رەسپۋبليكالىق اكىمشىلىككە بىرتىندەپ كوشۋگە ۋاعدالاستى.
ءسوز اراسىندا بايدەن جاڭادان سايلانعان پرەزيدەنتتى قۇتتىقتادى. بۇل رەتتە ترامپ بايدەنگە العىسىن ءبىلدىردى.
ەسكە سالساق، بۇعان دەيىن ترامپ يلون ماسكتى ۇكىمەتتىك تيىمدىلىك دەپارتامەنتىنىڭ باسشىسى قىزمەتىنە تاعايىنداعانى حابارلاندى.
سونداي- اق، يلون ماسك دونالد ترامپتى قولداۋ ءۇشىن 200 ميلليون دوللار جۇمساعانى بەلگىلى بولدى.
