بايبازاروۆ سانكتسياعا تۇسكەن قازاقستاندىق كومپانيالارعا قاتىستى پىكىر ءبىلدىردى

استانا. KAZINFORM - پرەمەر- ءمينيستردىڭ ورىنباسارى - ۇلتتىق ەكونوميكا ءمينيسترى نۇرلان بايبازاروۆ سانكتسيا سالىنعان كومپانيالاردىڭ تىزىمىنە جاڭا قازاقستاندىق كاسىپورىنداردىڭ كىرۋىنە بايلانىستى پىكىر ءبىلدىردى.

«مەنىڭ ەسىمدە بولسا، وسىعان دەيىن ەكى قازاقستاندىق كومپانيا امەريكا سانكسياسىنا تاپ بولعان ەدى. بۇل ءوزى ءبىر كۇندىك كومپانيالار. سونداي ماقسات ءۇشىن اشىلاتىن بولسا كەرەك. تەكسەرىپ قاراساق، اشىلادى، قانداي دا ءبىر كەلىسىمشارت بەكىتەدى دە جوعالىپ كەتەدى. باتىستاعى سانكسياعا جاۋاپتى قارجى قىزمەتتەرى ول كومپانيالاردى «وتكەن شاقتا» اشكەرەلەيدى دە سانكتسيا تىزىمىنە ەنگىزەدى»، - دەدى ۆيتسە- پرەمەر.

ۇلتتىق ەكونوميكا ءمينيسترى مۇنداي كومپانيالاردىڭ اشكەرە بولۋى قازاقستاندا سانكسيالاردى اينالىپ ءوتۋدىڭ جۇيەلى سحەماسى بار دەگەندى بىلدىرمەيدى.

«مەن بۇل جۇيەلى ماسەلە دەپ، قازاقستاندىق كومپانيالار سانكسيانى اينالىپ وتۋگە تالپىنادى دەپ ويلامايمىن. بۇل تابىس كوزدەگەن ءتۇرلى كومپانيالار. ونىمەن كۇرەسۋ قيىن. ءبىراق، جالپى العاندا، ءبىز سانكتسيانىڭ ورىندالۋىن باقىلاپ وتىرعان امەريكالىق جانە ەۋروپالىق ءتيىستى قىزمەتتەرمەن كەلىسىلگەن شەكتەۋلەردى ساقتايمىز»، - دەدى نۇرلان بايبازاروۆ.

ەسكە سالساق، بايبازاروۆ قىزىلوردا-جەزقازعان جولىنا تارتىلاتىن سىرتقى قارىزدىڭ پايىزدىق مولشەرلەمەسى قانداي ەكەنىن ايتىپ بەردى.

بۇعان دەيىن ۇلىبريتانيا رەسەيدىڭ اسكەري-ونەركاسىپ كەشەنىنە جاڭا سانكتسيا قابىلداعانىن ءمالىم ەتكەن ەدى.

تىزىمدەگى 56 كومپانيانىڭ ىشىندە قازاستاندا تىركەلگەن 6 كاسىپورىن بار. ولار:

«STANEX Group» ج ش س؛

«Kazstanex» ج ش س؛

«زاپچاستترەيد» ج ش س؛

«رابادازيا» ج ش س؛

CPS Energy؛

«TawKZ» ج ش س.