باياناۋىلداعى جاسىل ورماندار جۇپسىز جىبەك كوبەلەگىنەن زيان شەگىپ جاتىر
پاۆلودار. KAZINFORM - قازىر ورمانشىلار تۇكتى جاندىكتەرگە قارسى وڭدەۋ شارالارىنا كىرىسكەن. جۇپسىز كوبەلەكتىڭ قۇرتتارى قايىڭ جانە كوكتەرەككە تۇسسە، جاپىراعىن تۇك قالدىرماي جەپ قويادى.
بۇل تۋرالى باياناۋىل مەملەكەتتىك ۇلتتىق تابيعي پاركىنەن حابارلادى.
«باياناۋىل م ۇ ت پ اۋماعىندا جۇپسىز جىبەك كوبەلەگىنىڭ وشاقتارى بار. جۇپسىز جىبەك كوبەلەگى - قۇرتتارى قايىڭ مەن كوكتەرەك جاپىراقتارىن جەيتىن ورمان زيانكەستەرى. ب م ۇ ت پ قىزمەتكەرلەرى سەمەي س پ ماماندارىمەن بىرلەسىپ ورمان پاتولوگيالىق مونيتورينگىن جۇرگىزەدى. اۋرۋ قۇرعاق اۋا رايىنىڭ سالدارىنان پايدا بولادى. قازىرگى ۋاقىتتا بيولوگيالىق كۇرەس شارالارى قولعا الىندى. اتاپ ايتقاندا، قۇس ۇيالارى ورناتىلىپ، قۇمىرسقالاردىڭ يلەۋى تاسىمالدانىپ جاتىر. ال باياناۋىل بولىمشەسىنىڭ 23، 33-ورامدارىندا ۇلتتىق پارك قىزمەتكەرلەرى كوبەلەك قۋىرشاقتارىن كەروسينمەن ۋلاپ، جويىپ جاتىر»، - دەپ مالىمدەدى ۇلتتىق پاركتەن.
زاڭعا سايكەس، ەرەكشە قورعالاتىن تابيعي اۋماقتارداعى زيانكەستەرگە قارسى حيميالىق ءادىس قولدانۋعا تىيىم سالىنعان. سوندىقتان ورمانشىلار تەك بيولوگيالىق وڭدەۋ عانا جۇرگىزە الادى. جۇپسىز جىبەك كوبەلەگىنىڭ الەگى سوڭعى ەكى جىلدا پاۆلودار وبلىسىنىڭ بارلىق ورمانشىلىعىندا بايقالىپ وتىر.
اۆتور
مۇرات اياعان
