باتىس وڭىرىنە ءشوپ جىبەرىپ كومەكتەسكەن قۇرمەت تالاپقازى ەل بەرگەن ءۇيدى نە ءۇشىن ساتىپ جىبەرگەنىن ايتتى

استانا. قازاقپارات - قازاقستاننىڭ قۋاڭشىلىقتان زارداپ شەككەن وڭىرلەرىنە قول جيناپ، ءشوپ جىبەرگەن قۇرمەت تالاپقازى «Assyltas TV» كانالىنا بەرگەن سۇحباتىندا نە ءۇشىن ەل بەرگەن ءۇيدى ساتىپ جىبەرگەنىن ايتتى، - دەپ حابارلايدى Massaget.kz ءتىلشىسى.

Фото: әлеуметтік желі
Фото: әлеуметтік желі

قوعام بەلسەندىسى قۇرمەت تالاپقازى 2021-جىلى قۋاڭشىلىق كەزىندە باتىس وڭىرىنە ۆاگون-ۆاگون ءشوپ جىبەرىپ، كوپشىلىكتىڭ ءتورت تۇلىگىن اشارشىلىقتان امان الىپ قالۋعا سەپتىگىن تيگىزدى. ونىڭ ەڭبەگىن ەلەپ، ماقسات تولىقباي حالىققا ۇندەۋ جاساۋ ارقىلى جىلۋ جيناپ، ال جارتى بولىگىن دۋلات تاستەكەي باسشىلىق ەتكەن «اسىلتاس» قورى قوسىپ، وعان شىمكەنتتەن ءۇش بولمەلى ءۇي سىيلادى.

الايدا قۇرمەت تالاپقازى بۇل ءۇيدى ساتىپ جىبەرگەنىن ايتتى.

«بۇرىن دا سۇحباتتارىمدا ايتقانمىن، ول كىسىلەرگە اللا رازى بولسىن، راحمەت! ءبىراق سول كەزدە دە «ەشقانداي مۇنداي نارسە كەرەك ەمەس» دەپ ايتقانمىن. كوشە سىپىرىپ، دالادا قالسام دا، قابىرلەر - مەنىڭ ءۇيىم. بىلتىر ول ءۇيدى جالعا بەرىپ، ودان كەيىن ساتىپ جىبەردىم. جارتىسىن اۋىلعا جىبەردىم، ولار (اتا-اناسى) وتا جاساتىپتى. سودان كەيىن وسى جاقتا دا ءبىراز ادامدار كومەك سۇراعان سوڭ ونىڭ ءبىر بولىگىن قايىرىمدىلىققا جۇمسادىم. ارعى بەتكە (قىتاي) دە بارۋ كەرەك كەزدەر بولدى، ءبىر جاعدايلار بولىپ قارىز العانمىن. وزىمە دە جاراتتىم، ەلدىڭ بەرگەنىن ەلگە قايتارعانداي دا بولدىم»، - دەدى ول.

سوڭعى جاڭالىقتار