باتىس قازاقستان وبلىسىندا 50 گە جۋىق مالدى قولدى ەتكەندەر ۇستالدى
ورال. KAZINFORM - باتىس قازاقستان وبلىسىندا مال ۇرلىعىمەن اينالىسقان 4 ادام قولعا ءتۇستى.
ب ق و پوليتسيا دەپارتامەنتىنىڭ كريمينالدىق پوليتسيا باسقارماسىنىڭ قىزمەتكەرلەرى بوكەي ورداسى جانە تاسقالا اۋداندارى پوليتسيا بولىمدەرىمەن بىرلەسە وتىرىپ، جەدەل ىزدەستىرۋ ءىس- شارالارىن جۇرگىزۋ ناتيجەسىندە قىلمىستىڭ بەتىن اشتى.
انىقتالعانىنداي، 2024 -جىلعى قاراشا ايىنان بيىلعى ماۋسىمعا دەيىن كۇدىكتىلەر بوكەي ورداسى اۋدانى اۋماعىندا ەركىن جايىلىمدا جۇرگەن ءىرى قارا مالىن ۇرلاپ كەلگەن. بارلىعى 49 باس ءىرى قارا جىمقىرىلعان. مال يەلەرىنە كەلتىرىلگەن جالپى شىعىن - شامامەن 20 ميلليون تەڭگە.
- اتالعان فاكتى بويىنشا قىلمىستىق ءىس قوزعالدى. كۇدىكتىلەردىڭ ەكەۋى ۋاقىتشا ۇستاۋ يزولياتورىنا قامالدى. سونىمەن قاتار ولاردىڭ مال ۇرلىعى بويىنشا تاعى ءۇش قىلمىسقا قاتىسى بار ەكەنى بەلگىلى بولدى. قازىرگى ۋاقىتتا ولاردىڭ وزگە دە وسىعان ۇقساس قىلمىستارعا قاتىسى بار- جوعى تەكسەرىلىپ جاتىر، - دەپ حابارلادى ۆەدومستۆودان.
