باتىس قازاقستان وبلىسىندا 26 ادام كوروناۆيرۋس جۇقتىردى
ورال. KAZINFORM - باتىس قازاقستان وبلىسىندا جىل باسىنان بەرى 26 ادام كوروناۆيرۋس دەرتىن جۇقتىردى.
ب ق و سانيتاريالىق-ەپيدەميولوگيالىق باقىلاۋ دەپارتامەنتىنىڭ باسشىسى مۇحامعالي ارىسپايەۆتىڭ وڭىرلىك كوممۋنيكاتسيالار قىزمەتى الاڭىندا ءمالىم ەتكەنىندەي، سونىڭ 21 ءى قاڭتار، بەسەۋى اقپان ايىندا تىركەلدى.
ونىڭ سوزىنە قاراعاندا، سولاردىڭ 8 ءى جۇكتى ايەلدەر بولسا، 9 ى - 14 جاسقا دەيىنگى بالالار. 18 ادام اۋرۋحانادا ەم السا، سونىڭ 8 ءى - جۇكتى ايەلدەر.
«سەكۆەنيرلەۋ ماقساتىندا استانا قالاسىنداعى مولەكۋليارلى-گەنەتيكالىق زەرتحاناعا 4 سىناما جولداندى. ناتيجەسى كەيىن بەلگىلى بولادى» دەدى م. ارىسپايەۆ.
دەپارتامەنت باسشىسىنىڭ ايتۋىنشا، ءجىتى رەسپيراتورلىق ۆيرۋستىق ينفەكسيالار (ج ر ۆ ي) بويىنشا وتكەن ەپيدەميولوگيالىق ماۋسىممەن سالىستىرعاندا، اۋرۋشاڭدىق 60 پايىزعا ءوستى. 1 قازاننان بەرى 126795 ادام اۋىرسا، سونىڭ 81686 سى - 14 جاسقا دەيىنگى بالالار.
سونىمەن قاتار 82 ادام تۇماۋمەن سىرقاتتانسا، سونىڭ 28 ءى - 14 جاسقا دەيىنگى بالالار، 24 ءى - جۇكتى ايەلدەر.
وبلىستا سونداي-اق قىزىلشا بويىنشا ەپيدەميولوگيالىق جاعداي قولايسىز دەپ سيپاتتالادى. كۇنى بۇگىنگە دەيىن 255 ادام قىزىلشا جۇقتىرعان. اۋىرعانداردىڭ 89,3 پايىزى - ەكپە الماعاندار.
وڭىردە 12 نىسانعا مەديتسينالىق باقىلاۋ ورناتىلسا، سونىڭ التاۋى - مەكتەپ، ۇشەۋى - بالاباقشالار.
«قازاقستان حالقىنىڭ اراسىندا ينفەكتسيالىق اۋرۋلاردىڭ (قىزىلشا، COVID-19 كوروناۆيرۋس ينفەكتسياسى، تۇماۋ جانە باسقا دا ءجىتى رەسپيراتورلىق ۆيرۋستىق ينفەكتسيالار) تارالۋىنىڭ الدىن الۋ ماقساتىندا 8- اقپاننان باستاپ «اۋا-تامشى جولى ارقىلى بەرىلەتىن ينفەكسيالىق اۋرۋلاردىڭ تارالۋىنىڭ الدىن الۋ جونىندەگى پروفيلاكتيكالىق شارالاردى كۇشەيتۋ تۋرالى» 2№ قاۋلى كۇشىنە ەندى. سوعان سايكەس مەديتسينالىق ۇيىمداردا پەرسونالدىڭ جانە كەلۋشىلەردىڭ مەديتسينالىق ماسكا پايدالانۋى، انتيسەپتيكتىڭ بولۋى قامتاماسىز ەتىلۋى مىندەتتەلدى. حالىق كوپ جينالاتىن جەرلەردە (اۋەجايلار، تەمىرجول ۆوكزالدارى، اۆتوۆوكزالدار، بازارلار، ساۋدا-ويىن-ساۋىق ورتالىقتارى، ساۋدا ۇيلەرى، تەاترلار، كينوتەاترلار، ح ق و، بانكتەر جانە باسقا)، كولىكتىڭ بارلىق تۇرىندە (قوعامدىق كولىك، اۋە، تەمىر جول كولىگى) مەديتسينالىق نەمەسە ماتادان تىگىلگەن ماسكانى پايدالانۋعا ۇسىنىم بەرىلەدى» دەدى م. ارىسپايەۆ.
ەسكە سالا كەتەيىك، بۇدان بۇرىن باتىس قازاقستاندا قىزىلشامەن اۋىرعاندار سانى 200 دەن اسىپ كەتكەنىن جازعان بولاتىنبىز.
