باسەكەگە قابىلەتتى بولۋدىڭ كىلتى - ءبىلىم، تەحنولوگيا جانە تاجىريبە
سيفرلىق تەحنولوگيالاردىڭ داۋىرىندە جاستاردىڭ الدىندا باسەكەگە قابىلەتتى بولۋ شارتى تۇر. ال وعان جەتۋدىڭ فورمۋلاسى ايقىن - ساپالى ءبىلىم الۋ، وزىق تەحنولوگيالاردى يگەرۋ، تاجىريبە الماسۋ.
ەلىمىزدىڭ تەحنيكالىق باعىتتاعى جەتەكشى وقۋ ورىندارى وسى ءۇش باعىتتى ستۋدەنتتەرگە ۇسىنۋدا ءبىرقاتار جوبالاردى قولعا العان.
جالپى، ەلدە ءبىلىمىن شىڭداعان جاستار، كەيىن الەمدەگى جەتەكشى كومپانيالاردا باق سىناپ جاتاتىنا كوپشىلىك كۋا. مىسالى، ق ب ت ۋ تۇلەكتەرى الەمگە اتى ءمالىم Google ،Microsoft ،Booking.com كومپانيالارىندا جانە سيليكون القابىندا جۇمىس جاساۋدا، بۇل جاستاردىڭ العان ءبىلىمى جوعارى دەڭگەيدە ەكەندىگىنىڭ كورسەتكىشى ەكەنى ءسوزسىز.
ورتالىق ازياداعى كوشباسشى
تەحنيكالىق جوعارى وقۋ ورىندارى اراسىندا قازاقستان-بريتان ۋنيۆەرسيتەتى ABET - Accreditation board for Engineering and Technology اككرەديتاتسياسىن يەلەنگەن ورتالىق ازياداعى جالعىز كوشباسشى ءبىلىم ورداسى.
ق ب ت ۋ 2001-جىلى ق ر ۇكىمەتىنىڭ قاۋلىسىمەن قۇرىلىپ، سول كەزدە پرەمەر-مينيستر قاسىم-جومارت توقايەۆ باسشىلىعىمەن بۇرىنعى قاز ك س ر ۇكىمەت ءۇيى عيماراتى ۋنيۆەرسيتەتكە بەرىلگەن بولاتىن.
ءبىلىم بەرۋ باعدارلامالارى
2001-جىلى العاش اشىلعان فاكۋلتەت - مۇناي-گاز يندۋسترياسى فاكۋلتەتى بولدى. بۇل سول كەزدە ت ش و، قاراشىعاناق، NCOC، ك ق ك كومپانيالارىنا قاجەت ماماندارعا سۇرانىستىڭ ارتۋىنا وراي اشىلعان بولاتىن. سودان بەرگى 22 جىلدا ۋنيۆەرسيتەتتى 10 باعىتتا ءبىلىم العان 6500 دەن استام بىلىكتى مامان تامامداپ شىققان. بۇگىندە ق ب ت ۋ- دا وتاندىق يندۋسترياعا باعدارلانعان ونداعان مەكتەپ اشىلعان.
مۇناي-گاز يندۋسترياسىنداعى ەنەرگەتيكا، گەولوگيا، حيميالىق ينجەنەريا، قولدانبالى ماتەماتيكا، بيزنەس مەكتەبى، جاسىل تەحنولوگيالار جانە ABET اككرەديتاتسياسىن يەلەنگەن IT مەكتەبى اشىلعان. ال ءبىلىم بەرۋ باعدارلامالارى حالىقارالىق ۇيىمداردا، امەريكاندىق SBSP- دە تىركەۋدەن وتكەن، ال بۇل باعدارلامالاردىڭ حالىقارالىق تالاپتارعا ساي ەكەندىگىنىڭ كورسەتكىشى.
قازاقستاندا وقىپ، لوندون ديپلومىن الۋ مۇمكىندىگى
ۋنيۆەرسيتەتتىڭ بىرەگەي ءبىلىم بەرۋ باعدارلاماسى - ول حالىقارالىق ەكونوميكا مەكتەبى. ق ب ت ۋ - لوندون ەكونوميكا مەكتەبىنىڭ ءبىلىم بەرۋ ورتالىعى رەتىندە تانىلعان پوستكەڭەستىك ەلدەردىڭ ىشىندەگى جالعىز جوعارى وقۋ ورنى. بۇل ستۋدەنتتەرگە قازاقستاندا حالىقارالىق دەڭگەيدە ءبىلىم الىپ، وقۋدى تامامداعاندا لوندون ۋنيۆەرسيتەتىنىڭ ديپلومىن قوسا الۋىنا مۇمكىندىك بەرەدى.
وندىرىسپەن ساباقتاستىق
ق ب ت ۋ بىلىكتى مامانداردى دايىنداۋدا زاماناۋي زەرتحانالار قۇرىپ، ونەركاسىپتىك كومپانيالارمەن ىنتىماقتاستىق ورناتا بىلگەن. وسىلايشا ستۋدەنتتەر Schlumberger سىندى مۇناي- گاز سالاسىنداعى جەتەكشى كومپانيالارمەن سەرىكتەس ورناتىپ، مودەلدەۋ، كاسىپورىنداردى باسقارۋ، ساندىق ەگىزدەر مەن SMART Field جۇيەلەرىن قۇرۋدى مەڭگەرەدى.
ءبىلىم بەرۋ ساپاسى - تەك وقۋ ادىستەمەسىمەن شەكتەلمەيدى، وقىتۋشىلار قۇرامى بۇل پروتسەستەگى ەڭ ماڭىزدىسى. ۋنيۆەرسيتەتتە 300 وقىتۋشى ءبىلىم بەرسە، ونىمەن قوسا ۋنيۆەرسيتەت قۇرىلىمىنداعى ەكى عىلىمي- زەرتتەۋ ينستيتۋتىنىڭ قىزمەتكەرلەرى دە وقىتۋشىلىق ۇدەرىسكە تارتىلعان.
عىلىمي-زەرتتەۋ ينستيتۋتىن جاڭعىرتۋ
ءبىلىم ورداسى ورنالاسقان بۇرىنعى ۇكىمەت ۇيىندە 1957-جىلدان بەرى كۇردەلى جوندەۋ جۇرگىزىلمەگەن. 2001-جىلى عيماراتتىڭ سول كەزدەگى جاعدايى شۇعىل جوندەۋدى قاجەت ەتتى. ال جوندەۋ جۇمىستارىن اسا مۇقياتتىلىقپەن جۇرگىزۋ مىندەتى بار، الايدا قازاقستاندا سول كەزدە تالاپقا ساي مەردىگەر تابىلا قويماعان. بۇل جاعداي ق ب ت ۋ- دىڭ حيميا زەرتحاناسىنىڭ عالىمدارىن بىرەگەي پوليمەر ءونىمىن ازىرلەپ شىعۋعا سەپتىگىن تيگىزگەن. كەيىن عيماراتتى قالپىنا كەلتىرۋ جۇمىستارى كەزىندە بۇل ماتەريالدى باسپالداقتاردى، قابىرعالاردى، ەدەندى جوندەۋگە قولدانىلعان. 2018-جىلدان بەرگى عيماراتتى قالپىنا كەلتىرۋ جۇمىستارىنا ق ب ت ۋ 2 ميلليارد تەڭگەدەن استام ينۆەستيتسيا سالعان.
قالپىنا كەلتىرۋ جۇمىستارى كەزىندە ۋنيۆەرسيتەت ينجەنەرلىك جۇيەلەردى جاڭارتىپ، عيماراتتىڭ اينالاسىنداعى كەڭەستىك كەزدە سالىنعان سۋبۇرقاقتار جۇيەسىن قالپىنا كەلتىرىپ، عيماراتتاعى پاركەت پەن پانەلدەردىڭ ساقتالۋىنا اسا ءمان بەرگەن.
ينۆەستيتسيالار
عيماراتتى قالپىنا كەلتىرۋ - بۇل ۋنيۆەرسيتەت سالعان ينۆەستيتسيانىڭ تەك از بولىگى. اۋديتوريالاردى، زەرتحانالار مەن كىتاپحانالاردى، وقۋ بولمەلەرىن جاڭارتۋعا قوماقتى قاراجات جۇمسالۋدا. ەڭ باستىسى، ستۋدەنتتەردى جاتاحانامەن قامتاماسىز ەتۋ ماسەلەسى شەشىمىن تابۋدا. ق ب ت ۋ- عا وقۋعا تۇسۋگە شەتەلدەن جانە باسقا قالالاردان كەلەتىن تالاپكەرلەر سانى ارتۋدا، بۇل ءوز كەزەگىندە جاتاحانا ماسەلەسىن تۋىنداتپاي قويماسى انىق. ماسەلەنىڭ شەشىمى - ستۋدەنتتەرگە جاتاقحانا سالۋ. رەتى كەلگەندە ايتا كەتەيىك، ۋنيۆەرسيتەت بارلىق تۇسكەن ديۆيدەندتتەردى تەك جوعارى وقۋ ورنىن دامىتۋعا باعىتتاۋدا، وعان قوسا جاتاقحانا قۇرىلىسىنا ج و و اكسيونەرلەرى قوسىمشا 7 ميلليارد تەڭگە قاراجات بولگەن. ال 980 ورىندىق جاتاحانا الداعى 2024-جىلعى قاڭتاردا قولدانىسقا بەرىلمەك.
تۇلەكتەردىڭ جۇمىسقا ورنالاسۋى
تۇلەكتەردىڭ جۇمىسقا ورنالاسۋى - بۇل جوعارى وقۋ ورىندارىنىڭ تيىمدىلىگىن باعالاۋدىڭ ەڭ ۇزدىك كورسەتكىشى. ق ب ت ۋ تۇلەكتەرى ەڭبەك نارىعىندا قاشاندا سۇرانىسقا يە. ءبىلىم ورداسىن تامامداعان تۇلەكتەردىڭ بارلىعى دەرلىك جۇمىسقا ورنالاسۋدا. ءبىلىم ورداسىنىڭ تۇلەكتەرىنە جۇمىس بەرۋشىلەر دە ۇسىنىس بەرۋگە ءازىر. ۋنيۆەرسيتەتتىڭ ارنايى ۇيىمداستىراتىن بوس جۇمىس ورىندار جارمەڭكەسىنە 80 نەن استام كومپانيا ءوز ۇسىنىستارىن بەرۋگە ىنتا تانىتسا، تۇلەكتەردىڭ كوپشىلىگى وسى كەزدەسۋلەردە بىردەن جۇمىسقا ۇسىنىس الىپ جاتادى.
